Icipusho: Abantu bamo balatwishika nga ca cine ukuti Yesu eko ali, lelo abengi balishininkisha ukuti eko ali. Bambi nabo batila te kuti twishibe bwino nga eko ali nelyo iyo. Inga imwe kuti mwalandapo shani?

Amashiwi ya kulanda: Iyi Loleni! nailanda pa filanga ukuti eko ali.

Icipusho: Cinshi cicitika nga twafwa?

Ilembo: Yoh. 11:11-14

Icine: Umuntu nga afwa, ninshi ubumi bwapwa. Kanshi tatufwile ukulatiina ukuti umuntu nga afwa, alatwalilila ukubako. Yesu apashenye imfwa ku kulaala utulo. Nga filya fine acitile kuli Lasaro, Yesu ‘akabuusha’ abatemwikwa besu abafwa pa kuti bakabe no mweo na kabili.—Yobo 14:14.

Amashiwi ya kulanda: Ndemwita ukuti mukese ku lyashi lya Baibolo ilyo mwingakutikako ukwabula ukumulipilisha. Likabela mu Ng’anda ya Bufumu iyabela mupepi no ko mwikala. [Bapeeleni akapepala ka kwitilapo abantu mu kulongana, balangeni inshita ne cifulo ukukabela ukulongana kwa pa Mulungu, kabili mubebe no mutwe we lyashi lya Baibolo.]

Icipusho: Bushe mwalitala amuyapo ku Ng’anda ya Bufumu? [Nga cingacitika, batambisheniko vidio itila Finshi Ficitika pa Ng’anda ya Bufumu?]