ICO CACINDAMINA: Mu nshita ya bushiku, pa bushiku bwa kuti Yesu mailo akafwa, apepele ukuti abasambi bakwe bakabe “abaikatana icine cine.” (Yoh. 17:23) Pa kuti tutwalilile ukuba abaikatana tulingile ukutemwana pantu mu kutemwa “tamwaba ukusunga ifilubo.”—1 Kor. 13:5.

IFYO MWINGACITA:

• Mulemona ifisuma mu bantu nga filya Yehova acita

• Muleelela

• Nga ca kuti twatendeka ukumfwana no muntu twapusene nankwe, twilalandapo na kabili pa mulandu twapusaninepo.—Amapi. 17:9

TAMBENI VIDIO ITILA “MULETEMWANA”—MWILASUNGA IFILUBO, LYENA ASUKENI IFIPUSHO FYAKONKAPO:

• Muli vidio ya kubalilapo, bushe ba Helen bacilanga shani ukuti ‘balasunga ifilubo’?

• Muli vidio ya bubili, finshi ba Helen bacicita ifyacilenga batwalilile fye ukumona ifisuma mu bantu bambi?

• Bushe ifyacitile ba Helen fyalengele shani aba mu cilonganino batwalilila ukwikatana?