ICUMA ICABA MU CEBO CA KWA LESA | AMALUMBO 120-134
“Ukungafwa Kufuma Kuli Yehova”
Amalumbo 120 ukufika ku 134 yetwa ukuti Inyimbo sha pa Kuninika. Abengi baishiba ukuti abaleimba ishi inyimbo, ni bakapepa ba kwa Lesa abena Israele ilyo baleninika pa kuya ku Yerusalemu ninshi nabasekelela. Iyi Yerusalemu yabelele pa lupili ulwasansama ulwali mu Yuda, apo baleya mukusefesha imitebeto balekwata cila mwaka.
Ifyo Yehova atucingilila fyalondololwa mu filangililo pamo nga . . .
-
kacema uulelinda impaanga uushishipula
-
icintelelwe ku kasuba
-
umushilika wa cishinka
