Abangala ifyangalo fya kucimfyanya pamo nga ababutuka ulubilo, balingile ukutwalilila ukuisambilisha pa kuti lyonse baletwalilila ukubutuka bwino. Na ifwe bene pa kuti lyonse tuleishiba ifya kulekanya icalungama ne calubana, tulingile ukutwalilila ukulaisambilisha. (Heb. 5:14) Nangu ca kuti cilangukapo ukukonka fye ifyo abantu bambi bapingwilepo, tulingile ukusambilila ukulaitontonkanishisha e lyo no kulaipingwila ifya kucita. Mulandu nshi? Pantu ifwe bonse umo umo tukalubulula kuli Lesa.—Rom. 14:12.

Tatulingile ukulatontonkanya ukutila kuti twatwalila fye ukulapingula bwino pa fintu pa mulandu fye wa kuti palipita inshita ukutula apo twabatishiwilwe. Nga tulefwaya ukulapingula bwino pa fintu tulingile ukulashintilila sana pali Yehova, pa Cebo cakwe, e lyo na pa cilonganino cakwe.—Yosh. 1:7, 8; Amapi. 3:5, 6; Mat. 24:45.

TAMBENI VIDIO ITILA ‘MULEBA NA KAMPINGU IISUMA,’ LYENA ASUKENI AMEPUSHO YAKONKAPO:

• Finshi ba Emma balingile ukupingulapo?

• Cinshi tushilingiile ukulapingwilako abantu ifya kucita pa fintu ifikumine kampingu?

• Kupanda amano nshi ukusuma uko abaupana bamo bapandile ba Emma?

• Ni kwi ba Emma basangile ifyebo ifyabafwile ukupingulapo ifya kucita?