Tuli ne nsansa sana ukukwata broshuwa e lyo ne citabo icipya ica kutungulwilamo amasambililo ya Baibolo! Tulepepa ukuti Yehova aletupaala ilyo tulebombesha ukupanga abasambi. (Mat. 28:18-20; 1 Kor. 3:6-9) Bushe kuti twabomfya shani iyi broshuwa e lyo ne citabo?

Apo twakulabomfya inshila iipya iya kutungulwilamo amasambililo ya Baibolo ukubomfya icitabo ca Kuti Mwaba ne Nsansa Umuyayaya!, mulecita ifyakonkapo ilyo muleipekanya, e lyo na lintu muletungulula isambililo lya Baibolo. *

• Mulebelenga mu fyebo, kabili mulelanshanya amepusho babikilepo

• Mulebelenga amalembo batile “belengeni,” kabili mulelenga umusambi aishiba ifyo engabomfya ifyo abelenga

• Muletamba no kulanshanya amavidio, kabili mulebomfya amepusho ayali yonse ayo babikilepo

• Mule-esha ukupwisha isambililo mu bushiku bumo

Ilyo mulebila imbila nsuma mulebalilapo ukupeela abantu broshuwa pa kuti mwishibe nga kuti bafwaya ukutwalilila ukusambilila. (Moneni akabokoshi akaleti “ Ifyo Mwingapeela Abantu Broshuwa ya Kuti Mwaba ne Nsansa Umuyayaya! pa Umuku wa Kubalilapo.”) Nga mwapwa ukusambilila broshuwa yonse no musambi kabili alefwaya ukutwalilila ukusambilila, kuti mwamupeela icitabo lyena kuti mwatendekela ukusambilila mwi sambililo 4. Nga mwalesambilila no muntu mu citabo ca Ico Baibolo Isambilisha nelyo ica Ukutemwa Lesa, mufwile ukutendeka ukusambilila mu citabo ca Kuti Mwaba ne Nsansa Umuyayaya!, kabili mwe bene mukamona apo mwingatendekela ukusambilila muli ici citabo.

TAMBENI VIDIO ITILA MWAISENI KWI SAMBILILO LYENU ILYA BAIBOLO, LYENA ASUKENI AMEPUSHO YAKONKAPO:

• Finshi abasambi bakasambilila muli ici citabo icipya?

• Mulandu nshi mulingile ukutambishisha abasambi abapya iyi vidio?

• Finshi mwingakoselesha umusambi ukupanga ukucita?—Moneni charti iileti “ Ifyo Cila Cipande Cilelandapo ne fyo Mwingapanga Ukucita”