Nga ca kuti lupwa nelyo cibusa wesu afwa, isubilo lya kuti abafwa bakabuka lilatusansamusha. Na lyo line ulubembu ne mfwa fintu ifitucusha sana. (Esa. 25:7, 8) Uyu e mulandu wine “ifibumbwa fyonse fitetela capamo no kucululukila capamo.” (Rom. 8:22) Finshi fingatwafwa ukushipikisha nga twafwilwa lupwa nelyo cibusa wesu, ilyo tulelolela ukuti Lesa akababushe? Mu Cebo ca kwa Lesa mwaliba amashinte ayengatwafwa.

TAMBENI VIDIO ITILA IFINGAMUSANSAMUSHA NGA CA KUTI MWAFWILWA, LYENA ASUKENI AMEPUSHO YAKONKAPO:

• Mafya nshi ayo ba Danielle, ba Masahiro na ba Yoshimi bakwete?

• Bushe ifintu 5 ifyo balandilepo muli vidio fyabafwile shani?

• Nani uutusansamusha?—2 Kor. 1:3, 4