Muli shino inshiku sha kulekelesha amafya nayafula nga nshi. Ilyo tuleya tulepalamina ku mpela ya cino calo, amafya yakulafulilako fye. Inshita shimo kuti twabulisha fimo mu mikalile. (Haba. 3:16-18) Cinshi cingatwafwa ukutwalilila ukushipikisha nangu imikalile yashupa? Tufwile ukutwalilila ukucetekela Lesa wesu Yehova. Alilaya ukuti akulasakamana ababomfi bakwe, kanshi akulatupeela ifyo tulekabila nangu ifintu fyafye shani.—Amalu. 37:18, 19; Heb. 13:5, 6.

Ifyo mwingacita:

• Mulepaapaata Yehova ukuti alemutungulula, alemupeela amano, no kumutungilila.—Amalu. 62:8

• Muleipeelesha ukubomba ne ncito isho mushabala amubombapo.—g 4/10 amabu. 24-25, utubokoshi

• Mulecita ifya kwa Lesa lyonse, pamo nga, ukubelenga Baibolo cila bushiku, ukusangwa ku kulongana, no kulabila imbila nsuma

TAMBENI VIDIO ITILA MULEKUULA ING’ANDA IIKATWALILILA UKUBA IYAKOSA—‘MULETEKA IMITIMA KU FINTU IFYO MUKWETE,’ LYENA ASUKENI AMEPUSHO YAKONKELEPO:

• Mafya nshi ayo ndupwa shimo bakwete?

• Cinshi icacindama sana mu bumi?

• Kuti twa-afwa shani abakwata amafya ya kusanga umwa kwikalila?