Inshita shimo bonse fye tulomfwapo ububi. Ukumfwa ububi tacipilibula ukuti ninshi tatwacetekela Yehova. Na kuba na Yehova alitweba ukuti inshita imo na o alyumfwilepo ububi. (Ukute. 6:​5, 6) Nomba kuti twacita shani nga ca kuti tuleumfwa ububi inshita fye yonse nelyo nga tuleumfwa ububi ukucila mu cipimo?

Mulepepa ukuti Yehova amwafwe. Yehova alibika sana amano ku fyo tutontonkanya na ku fyo tumfwa. Aleshiba nga tuli ne nsansa nelyo nga tuli no bulanda. Aleshiba icilenga tuletontonkanya fimo ne cilenga tuleumfwa fimo. (Ukute. 6:​5, 6) Ne cacindama sana ca kuti Yehova alatusakamana kabili kuti atwafwa nga natumfwa ububi nelyo nga natusakamikwa.—Amalu. 34:18.

Mulecingilila amatontonkanyo yenu. Nga natufuupuka kuti calenga twalafilwa ukucita ifya kwa Lesa kabili na bucibusa bwesu na Yehova kuti bwapwa. Pa mulandu wa ifi, tulingile ukulacingilila umutima wesu—ubuntu bwesu ubwa mu kati.—Amapi. 4:23.

TAMBENI VIDIO ITILA IFYO ABA BWANANYINA BABA NO MUTENDE NANGU CA KUTI BALIBA NA MASAKAMIKA LYENA ASUKENI AMEPUSHO YAKONKAPO:

• Finshi ba Nikki bacitile pa kuti baleke ukusakamikwa sana?

  Lembeni icasuko

• Finshi fyalengele ba Nikki bamone ukuti balingile ukuya ku cipatala?—Mat. 9:12.

  Lembeni icasuko

• Ni muli finshi ba Nikki bacetekele ukuti Yehova ali no kubafwa?

  Lembeni icasuko