Ukutucusha kuti kwalenga twalaumfwa ububi nelyo twafuupuka kabili kuti kwalenga na bucibusa bwesu na Yehova bwapwa nga ca kuti twaumfwa sana umwenso ilyo baletulwisha. Kuti mwaicingilila shani ku ba mucusha?

Inte sha kwa Yehova abengi balashipikisha nga balebacusha. Icilenga balecimfya ni co balashintilila pali Yehova. (Amalu. 18:17) Ku ca kumwenako, Estere alilandile pa kuti asokolole amapange ya kwa Hamani. (Este. 7:​1-6) Ilyo talacita ifi alilangile ukuti alishintilile pali Yehova ilyo afungile. (Este. 4:​14-16) Yehova alimupaalile kabili alimucingilile pamo na bantu bakwe.

Mwe bacaice, nga ca kuti balemucusha mufwile ukulomba Yehova ukuti amwafwe, kabili kuti mwaeba na bakalamba abengamwafwa pamo nga abafyashi. Mulecetekela ukuti Yehova akamwafwa nga filya fine ayafwile Estere. Finshi fimbi ifyo mwingacita nga balemucusha?

TAMBENI VIDIO ITILA AMAFYA FWE MISEPELA TUKWATA—FINSHI MFWILE UKUCITA NGA BALENCUSHA? LYENA ASUKENI AMEPUSHO YAKONKAPO:

• Finshi abacaice bengasambililako kuli Charlie na Ferin?

  Lembeni icasuko

• Finshi abafyashi bengasambililako ku fyo Charlie na Ferin balandile pa fyo bengafwa abana babo ukushipikisha nga balebacusha?

  Lembeni icasuko