Abantu abengi tabacindika abakwata amaka nelyo abatungulula. Twalishiba icalenga. Abantu abengi balabomfya amaka bakwata bubibubi pa kuti fye baisekeshe. (Mika 7:3) Twalitemwa sana ifi baeluda mu cilonganino babasambilisha ukulabomfya amaka bakwata ku kucita ifiwamina abantu ba kwa Yehova.—Este. 10:3; Mat. 20:​25, 26.

Ukupusanako na bantu ba muli ici calo, ico baeluda bafwaila ukubomba umulimo wa kutungulula abantu ni co balitemwa Yehova na bantu bakwe. (Yoh. 21:16; 1 Pet. 5:​1-3) Yesu e utungulula baeluda, kabili baeluda balafwa bakasabankanya bonse ukulaumfwa ukuti baba mu lupwa lwa kwa Yehova kabili balabafwa no kupalama kuli ena. Balangufyanya ukwafwa bakasabankanya lwa ku mupashi, kabili balabafwa nga balwala ukwabula ukwenekela nelyo nga kwacitika ubusanso. Nga mulefwaya ubwafwilisho mwilaumfwa umwenso wa kulanda na baeluda mu cilonganino cenu.—Yako. 5:14.

TAMBENI VIDIO ITILA BAKACEMA ABASAKAMANA IMPAANGA, LYENA ASUKENI AMEPUSHO YAKONKAPO:

• Bushe ba Mariana banonkelemo shani mu fyo baeluda babafwile?

  Lembeni icasuko

• Bushe ba Elias banonkelemo shani mu fyo baeluda babafwile?

  Lembeni icasuko

• Pa numa ya kutamba iyi vidio muleumfwa shani pa fyo baeluda babomba?

  Lembeni icasuko