September 2-8
AMALUMBO 79-81
Ulwimbo 29 ne Pepo | Amashiwi ya Kutendekelapo (1 min.)
1. Mulecita Ifilanga Ukuti Mwalitemwa Ishina lya kwa Yehova
(10 min.)
Mwilacita fyonse ifingalenga ishina lya kwa Yehova ukukanacindikwa (Amalu. 79:9; w17.02 ibu. 9 para. 5)
Mulelilila kwi shina lya kwa Yehova (Amalu. 80:18; ijwbv 3 amapara. 4-5)
Yehova akalambula bonse ababa ne cumfwila kuli ena kabili abatemwa ishina lyakwe (Amalu. 81:13, 16)
Pa kuti imibele yesu ilelenga ishina lya kwa Yehova ukucindikwa, tulingile ukulenga abantu baishiba ukuti tuli Nte shakwe
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 80:1—Mulandu nshi inshita shimo balebomfesha ishina lya kwa Yosefe nga balelanda pa mikowa yonse iya bena Israele? (it-2-E ibu. 111)
-
Cuma nshi mwasangile ilyo mwalebelenga Baibo uno mulungu?
Lembeni icasuko
3. Ukubelenga Baibo
(4 min.) Amalu. 79:1–80:7 (th isambililo 10)
4. Ifyo Mwingatendeka Ukulanshanya
(1 min.) KU NG’ANDA NE NG’ANDA. Bepusheni nga kuti batemwa ukulasambilila Baibo. (lmd isambililo 4 icishinka 4)
5. Ifyo Mwingatendeka Ukulanshanya
(3 min.) UBUNTE BWA MU LYASHI. Bepusheni nga kuti batemwa ukulasambilila Baibo. (lmd isambililo 4 icishinka 3)
6. Ifyo Mwingatendeka Ukulanshanya
(2 min.) UBUNTE BWA KU CINTUBWINGI. Bepusheni nga kuti batemwa ukulasambilila Baibo. (lmd isambililo 3 icishinka 3)
7. Nga Mwabwelelako
(5 min.) KU NG’ANDA NE NG’ANDA. Tendekeni isambililo lya Baibo ku muntu uwakene ukusambilila ku numa. (lmd isambililo 8 icishinka 3)
Ulwimbo 10
8. “Bakacindika ishina lyandi”
(15 min.) Lanshanyeni icipande ne bumba.
Satana atendeke ukusebanya ishina lya kwa Yehova mwi bala lya Edeni. Ukufuma lilya line, icacindama sana ku bantu e lyo na bamalaika kusalapo nampo nga kulacita ifya kulenga ishina lya kwa Yehova ukucindikwa nelyo iyo.
Tontonkanyeni pa bufi ubwabipisha ubo Satana asalanganya pali Yehova. Alanda ukuti Lesa ni kateka umubi kabili takwata ukutemwa. (Ukute. 3:1-6; Yobo 4:18, 19) Alanda ukuti ababomfi ba kwa Yehova tabamutemwa. (Yobo 2:4, 5) Alilenga na bantu abengi nga nshi ukusumina ukuti Yehova te wabumbile ifintu fyonse ifyabako.—Rom. 1:20, 21.
Bushe ubu bufi bulenga muleumfwa shani? Ukwabula no kutwishika bulalenga mulefwaisha ukulandilako Yehova! Yehova alishibe ukuti abantu bakwe bakalafwaisha ukulenga ishina lyakwe ukucindikwa. (Linganyeniko Esaya 29:23) Kuti mwacita shani pa kulenga ishina lya kwa Yehova ukucindikwa?
-
Muleafwa abantu ukwishiba Yehova no kumutemwa. (Yoh. 17:25, 26) Muleba abaiteyanya ukulondolwela abantu ifilanga ukuti Yehova eko aba, e lyo na pa mibele yakwe iisuma nga nshi.—Esa. 63:7.
-
Muletemwa Yehova Lesa wenu no mutima wenu onse. (Mat. 22:37, 38) Mwilaumfwilafye amafunde ya kwa Yehova pa mulandu wa kutila kuti yalenga ifintu fyamuwamina, lelo muleyomfwila pa mulandu wa kuti mulefwaya ukulenga umutima wa kwa Yehova ukusekelela.—Amapi. 27:11
Tambeni VIDIO itila Twalilileni Ukuba no Kutemwa Nangu ca Kuti. . .Mulaba na Mafya pa Sukulu. Lyena ipusheni ibumba ifipusho fyakonkapo:
-
Bushe Ariel na Diego balengele shani ishina lya kwa Yehova ukucindikwa?
-
Finshi fyalengele balefwaisha ukulandilako Yehova?
-
Kuti mwabapashanya shani?
9. Isambililo lya Baibo Ilya pa Cilonganino
(30 min.) bt icipa. 15 amapara. 1-7, na intendekelo ya cipande 6
