“Mfwile Ukucetekela fye Lesa”

Kalata wakonkapo asangilwe pa Ng’anda ya Bufumu iya Nte sha kwa Yehova mu Edmonton, Alberta, ku Canada.

“Ku Nkombe:

“Nalemba uno kalata ku kutasha umuntu uo napamo mu kukanaishiba acitile icipesha amano mu bumi bwandi.

“Imilungu yafumako, ine no mwina mwandi twalikansene icabipisha. Napwishishe fye ukulanda amashiwi ya kuti, ‘Ici cena cacilamo fye ica kuti nshishibe ne fya kucita.’ Apo pene fye naumfwile ukukonkosha ku ciibi. Nasangile Inte ya kwa Yehova pa mwinshi, kabili tapali inshita ya kuti mfisame.

“Lintu naiswileko iciibi, nali uwapumfyanishiwa ica kuti nshaumfwile ne fyalelandwa. Ndebukisha amashiwi ya kuti ‘abana’ na ‘ulupwa.’ Afumishe icitabo ca mutwe wa kuti Icaba Inkaama ku Nsansa sha Lupwa. Ilyo namwene umutwe, natendeke fye ukulila kabili nafililwe ukutalala Alinwike, no kulombo bwelelo pa kumpumfyanya, kabili ampeele icitabo no kuya aya.

“Cinshi cali icipesha amano? Cali mashiwi ya kuti nga nshishibe ifya kucita, nshifwile ukusakamana pantu Lesa aleshiba. Mfwile ukucetekela fye Lesa. Alatuma ne nkombe. Natasha.”

Icitabo ca mutwe wa kuti Icaba Inkaama ku Nsansa sha Lupwa kuti canonsha onse uwa mu lupwa. Ifipandwa fimo ifya kusambililamo fitila “Cingilileni Ulupwa Lwenu ku fya Kusonga Ifyonaula,” “Sungilileni Umutende mu Ng’anda Yenu,” na “Kuti Mwacimfya Amafya Ayonaula Ulupwa.”

Nga mulefwaya ukukwatako ici citabo, isushisheni akapepala kali pe samba no kutuma ku keyala kali pa kapepala nelyo ku keyala kalinga akali pe bula 5 ilya uno magazini. Mukapokelela imitubululo yalinga iikamwafwa ukupikulula amafya no kulenga ulupwa ica kucankilwamo nga fintu Lesa afwaile ukuti cibe.

□ Ntumineniko icitabo ca mutwe wa kuti Icaba Inkaama ku Nsansa sha Lupwa.

□ Kuti natemwa ukulantungulula isambililo lya Baibolo ilya pa fye pa ng’anda.