Ubunkalwe bwa Bantu—Bushe Bukabala Abupwa?

Umwina Italy Livia Turco, Cilolo wa cipani ca Social Solidarity apeelwe Loleni! wa March 8, 2000, uwalelanda pa bwafya bwa busha, ubo ku ca bulanda bucili mu fyalo ifingi. Muli kalata alembeele iofeshi linono ilya Nte sha kwa Yehova mu Italy, atile:

“Imisango ya busha bwa nomba, iikuma maka maka abanakashi na bana, yaba bwafya bukalamba ubulekabila ukubombelwapo nomba line umo iminshipendwa ya bantunse bacili balepita mu bunkalwe.” Asondwelele ukuti: “Ifyebo fya kucincitila ici cintu tushingasuminisha fyalicindama nga nshi, kabili nga ca kuti fyafika ku bantu abengi nga balya ababelenga [Loleni!], filacilapo no kucindama.”

Pa mulandu wa kusabankanya Loleni! ifuma imo imo mu ndimi 82 ukucila na pa mamilioni 20, iminshipendwa ya bakabelenga baleebwa pa lwa mafya yalekanalekana pali ndakai ne nshila sha mu Baibolo ishingafumyapo aya mafya.

Nalyo line, icipusho citwalilila ukwipushiwa ni ci, Nga ca kuti cine cine Lesa eko aba, mulandu nshi asuminishisha abantu ba kaele ukuponenwa no kucula kwabipisha ifyo? Abengi balepusha ati, ‘Kuti natemwa shani Kalenga uyo amano yakwe yamonekela mu fipapwa fya bubumbo lelo uumoneka ukukanaba ne cikuuku ku bantu lelo?’ Ifipusho fya musango yu filaasukwa bwino muli broshuwa wa kuti Bushe Lesa mu Cituntulu Alatusakamana? Nga mulefwaya ukukwatako uyu broshuwa, isushisheni akapepala kali pe samba no kutumina ku keyala kali pa kapepala nelyo ku keyala kalinga akali pe bula 5 ilya uno magazini.

□ Ntuminenilo broshuwa wa Bushe Lesa mu Cituntulu Alatusakamana?

□ Kuti natemwa ukulantungulula isambililo lya Baibolo ilya pa fye pa ng’anda.