Mulandu Nshi Imibele Isuma Yafishe?

MU MWESHI wa October umwaka wapwile kalemba umo uwa mu Loja, ku Ecuador, atashishe imibombele ya butumikishi iya Nte sha kwa Yehova. Pa fyo amwene, atile:

“Icikuko cimo icabipisha nga nshi icilepuma abantunse cili kwafya kwa mibele isuma . . . Cilemoneka kwati abantu balilaba ukukonka Amafunde 10 kabili tabakutika na kuli kampingu wabo, conse ici cilafumyapo ukumfwana pa kati ka bantunse. Ukuli konse kabili cila bushiku, tulomfwa pa lwa mpatila, ulukaakala, bumpulamafunde, ukushitisha imiti ikola, bucisanguka, no kubulwo mucinshi ku bantu. . . .

“Inte sha kwa Yehova ukwabula ukuilangisha pa kuti bambi babamone, balabomba umulimo wabo mu nshila ya mutende kabili iya mutalalila, ukutandalila abena mupalamano babo ukuya ku mwinshi no mwinshi, baletambika bamagazini babo abasuma, Ulupungu lwa kwa Kalinda na Loleni!, umusangwa ifipande ifisuma ifisabankanishiwa. Ukucilisha muli Loleni! mwalibamo amalyashi yapusanapusana ayasuma pa lwa sayansi ashingakanwako ne fya mikalile ya bantu bambi. Fyonse ifi filembwa no kumfwika bwino kabili mu kulungama.”

Ukwafya kwa mibele isuma ilelo kulemonekesha, lelo nga fintu calandwa pe bula 4 ilya uno magazini pa ciputulwa icitila “Umulandu Loleni! asabankanishiwilwa,” Loleni! “asokota ifyashika no kulondolola ubupilibulo bwine bwine ubwa fya kucitika fya ndakai.” Broshuwa atila Bushe Lesa mu Cituntulu Alatusakamana? alalandapo pa kucula uko abantunse balepitamo ilelo, lelo alikwatamo na fimbi. Alalangilila umulandu imibele isuma yayafisha na mafya ayabipa ayafumamo. Icacindamisha pali fyonse, uyu broshuwa asokolola ifyo ukwilulukwa kuli no kufikilishiwa bwangu bwangu fye.

Kuti mwapokelelako uyu broshuwa uwa kusansamusha uwa mabula 32 nga mwalemba pa kapepala kali pe samba no kutumina ku keyala kalinga ukufuma pe bula 5 ilya uno wine magazini.

□ Ntumineniko broshuwa atial Bushe Lesa mu Cituntulu Alatusakamana?

□ Kuti natemwa ukulantungulula isambililo lya Baibolo ilya pa fye.