Bushe Mulafwaya Ukuba Cibusa wa kwa Lesa?

● Kuti mwayasuka shani icipusho cili pa muulu? Umukashana uwikala ku ncende yabela ukutali iya Guerrero, ku Mexico, ayaswike ati takuli umuntu nangu umo uwingaba cibusa wa kwa Lesa. Abakashana babili Inte sha kwa Yehova balimulangile akatabo ka mutwe wa kuti Kuti Mwaba Cibusa wa kwa Lesa! mu citundu cakwe. Alipapile sana ukusanga ukuti aka katabo kalilembelwe na mu ciTlapanec. Impapulo fye amwene mu citundu cakwe shalembelwe no buteko.

Abakashana babili balondolwele ukuti aka katabo cilangililo ca kuti Kabumba alimutemwa pantu kuti abelenga aka katabo no kwishiba Lesa. Ilyo line fye alitampile ukubelenga isambililo lya kubalilapo, ilitila “Lesa Alemwita ku Kuba Cibusa Wakwe.” Ilyo apwishishe ukubelenga, atile: “Ndefwaya ukuba cibusa wa kwa Lesa. Bushe kuti mwandetelako Baibolo?” Ilyo baNte bamutwalile Baibolo, banyina ba ulya mukashana baebele baNte ukwikalako pa kuti babasambilishishepo na fimbi.

IciTlapanec citundu fye cimo pa fitundu fya cina India 17 mu Mexico umo akatabo ka mutwe wa kuti Kuti Mwaba Cibusa wa kwa Lesa! kalembwa. Mwi sonde lyonse e ko kaba mu fitundu 278 (ukubikako fye ne filembo fya mpofu). Nga mulefwaya ukukwatako aka akatabo, kuti mwalemba akapepala kali pe samba no kukatuma kuli adresi iyilipo nelyo kuti mwatuma kuli adresi iyalinga pa yali pe bula 5 muli ino magazini.

□ Mukwai ndefwaya mukantumine akatabo kalangililwe pe samba.

□ Kuti natemwa ukuti muleisa mu kunsambilisha Baibolo pa ng’anda ukwabula ukundipilisha.