“Ikalilileni Kuli Yehova!”

Ukulongana Kukalamba Ukwa Nte sha kwa Yehova

● Uku kulongana kwa nshiku shitatu, ukukaba mu calo conse, kukatendeka muno Zambia mu August. Mu Zambia uku kulongana kukalatendeka ne nyimbo pa 08:20 ulucelo cila bushiku. Umutwe wa pa bushiku bwa kubalilapo uukafuma pa Amalumbo 73:28 uleti “Ukupalama Kuli Lesa Kusuma Kuli Ine.” Ilyashi lya kwa ceyamani nga lyapwa, pakakonka aya malyashi, “Ukulongana kwa Citungu Kulatwafwa Ukwikalilila Kuli Yehova” na “Umwana Alafwaya Ukumusokolola.” Lyena kukaba amalyashi yakakonkana ayali no mutwe ukalamba uuleti “Mulepashanya Abatwalilile Ukuba Ifibusa fya kwa Yehova” ayakalanda pa fyo Abrahamu, Ruti, Hisekia, na Maria bacitile ifyo. Programu ya lucelo ikasondwelela ne lyashi likalamba ilileti, “Ifyo Yehova Apalama Kuli Ifwe.”

Ilyashi lya kubalilapo akasuba pa bushiku bwa kubalilapo likwete umutwe wa kuti “Amasuko ku Mepusho Pali Yehova,” e lyo pakakonke ilileti “Lekeni Ukusalapula kwa kwa Yehova Kulemusambilisha” e lyo ne lya kuti ‘Mwilafulilwa Yehova.’ Lyena pakakonka amalyashi yakakonkana ayali no mutwe wa kuti “Ukulanshanya Kulafwa Indupwa Ukwikalilila Kuli Yehova.” Aya malyashi yaleti: “Yehova, Lesa Uwaishibisha Ifya Kulanshanya,” “Mwe Balume, Mulelanshanya na Bakashi Benu!,” “Mwe Bakashi, Mulelanshanya na Balume Benu!,” “Mwe Bafyashi, Mulelanshanya na Bana Benu!,” na “Mwe Bana, Mulelanshanya na Bafyashi!” Programu ya kasuba ikasondwelela ne lyashi lya kuti “Ububumbo Bulatusambilisha Pali ‘Lesa wa Mweo’!”

Umutwe wa bushiku bwalenga shibili uletila “Abalungama E Baba Bacibusa Bakwe,” ukufuma pa Amapinda 3:32. Amalyashi yakakonkana ayakwete umutwe uleti “Afweni Abantu ‘Ukubwelela Kuli Lesa’” yakalanda pali iyi mitwe, “Abashamwishiba Kabili Ababulwa Isubilo,” “Alibepwishe,” “Bombeni Bwino Umulimo wa Kwafwa Kabila Munenu uwa Mbila Nsuma,” “Bashimikileni Ukupitila mu Myendele Yenu Iisuma,” na “Shipikisheni no Kucincila mu Mulimo Wenu.” Pa numa ya malyashi ayaleti “Umulimo wa Nshita Yonse Ulakosha Bucibusa Bwenu na Yehova” na “Ku Batemwa Yehova, Takwaba Ica Kuipununako,” programu ikasondwelela ne lyashi lya lubatisho, e lyo bonse abakafikapo bakabatishiwa.

Pali programu ya kasuba pa bushiku bwalenga shibili pakaba amalyashi 8 ayakakonkana ayakwete umutwe ukalamba uuleti, “Mwileka Icintu Nangu Cimo Cimutalushe Kuli Yehova,” yakakonkana ifi: “Imicenjelo ya kwa Satana,” “Icilumba,” “Indalama,” “Ukusakamana Ubumi,” “Incito,” “Ifya Kuleseshamo Icitendwe,” “Ulupwa,” na “Ifya Kupangapanga.” Pakakonka icilangililo ca mashiwi fye icikwete umutwe uletila “Mwilatendwa Ilyo Yehova Alemilungika!” Programu ya ubu bushiku ikasondwelela ne lyashi ilileti “Ikalilileni Kuli Yehova, Nga Filya Yeremia Acitile.”

Umutwe wa pa bushiku bwalenga shitatu uufumine pali Yoshua 23:8, uleti “Kuli Yehova . . . E ko Mulambatile.” Pa numa ya lwimbo lwa lucelo ne pepo, amalyashi yakakonkana ayali no mutwe ukalamba uuleti “Ukumfwikisha Imibele ya kwa Yehova Iilenga Twapalama Kuli Ena” yakalanda pali iyi mibele 8 iya kwa Lesa—“Taifinya,” “Alalangulukilako,” “Alatasha,” “Ni Kapekape,” “Taba na Kapaatulula,” “Alelela,” “Tapampamina fye Pali Cimo,” kabili “Wa Cishinka.” Lyena pakakonka ilyashi lya ku cintubwingi ilikwete umutwe uleti “Kuti Mwacita Shani pa Kuti Mupalame Kuli Lesa?” Programu ya lucelo ikasondwelela no kusupawila kwe Sambililo lya cila mulungu ilya Ulupungu lwa kwa Kalinda.

Icintu cimo icaibela icikabako pa bushiku bwalenga shitatu akasuba cilangililo ca mikansu icikalalanda pa fyalecitika mu nshita ya batumwa. Cikalanda sana pa fyo Abena Kristu bafulumwike mu Yerusalemu kabili cikwete umutwe uleti “Mule-endela mu Kutetekela Te mu Kumona.” Icilangililo nga capwa, pakakonka ilyashi lya kulekeleshako ilikalati “Ikalilileni ‘Umwa Kufisama Umwa Wapulamo.’”

Tendekeni ukupekanya pa kuti mukasangweko. Nga mulefwaya ukwishiba ukukabela uku kulongana mupepi na kuntu mwikala, ipusheni baNte balongana pa Ng’anda ya Bufumu iyabela mupepi no ko mwikala nelyo lembeleni abalemba uno magazini. Ififulo fimbi ukukabela uku kulongana mu fyalo fimbi kuti mwamona pa Intaneti pa www.pr418.com.