Inshita shimo, cilatukosela ukwibukisha ifyo twasambilila. Na lyo line, nalimo mwalimona ukuti tulebukisha ifintu ifingi ifyo Yesu asambilishe, pantu ilingi line alebomfya ifilangililo. Kuti twaelenganya ifyo Yesu alandile kabili ici cilenga tuleibukisha ifyo aletusambilisha. Na imwe bene kuti muleibukisha ifingi ifyo mwasambilila nga ca kuti mule-elenganya ilyo mulebelenga. Kuti mwacita shani pa kuti mule-elenganya pa fyo mulebelenga? Cimo ico mwingacita, kulenga ifikope ilyo muleisambilisha.

Abantu abalenga ifikope nga basambilila fimo, ilingi line balebukisha sana ifyo basambilile. Nga balenga ifikope balomfwikisha amashiwi e lyo ne fishinka ifikalamba ifyo balesambililapo. Ifikope balenga tafiba ifyapikana, lelo fiba fye ifya-anguka. Abakalamba balebukisha sana ifyo balesambilila nga ca kuti balelenga ifikope ilyo baleisambilisha.

Ilyo mukalaisambilisha, mukesheko ukulenga ifikope pa fyo mwasambilila. Ala mukapapa ifintu ubwingi ifyo mukebukisha!