Lishuko nga nshi ukwikala mu nshita iyo Yehova alesokolola icine panono panono. (Dan. 12:4) Nomba limo cilafya ukwishiba ubulondoloshi ubupya ubwa cine ca mu Baibo. Ni kwi twingasanga ifya-aluka mu fyo twaishibe kale no bulondoloshi bwa calenga twaluke?

• Mu citabo citila Icitabo ca Kwafwa Inte sha kwa Yehova Ukusanga Ifyebo pa mutwe uutila “Ukwalula Ubulondoloshi bwa Masambilisho” paliba umutande wa fya-aluka ifyo twasuminamo ukulingana no mwaka. Nga mulefwaya ukumona ifya-aluka, kuti mwalemba mulya tufwaila ifyebo amashiwi ya kuti “ukwalula ubulondoloshi bwa masambilisho” (mufwile ukubikako no twa kwisalila) pa Watchtower Library nelyo pa Watchtower ONLINE LIBRARY^™.

• Mu lupapulo lutila Icitabo ca Kwafwa Inte sha kwa Yehova Ukusanga Ifyebo mwaba amalyashi ayanono. Kuti mwaya apatila “Inte sha kwa Yehova” lyena apatila “Ukwalula Ubulondoloshi bwa Masambilisho.”

Kuti cawama ilyo mukalaisambilisha Baibo ukusalapo ilyashi lya nomba line umuli ukwaluka no kufwailisha ifyalwike na Malembo ayalengele ukuti twalule ifyo twaishibe kale.