Cinshi Abantu Balekela Ukumona ukuti balicindama?
ICO UKWISHIBA UKUTI TWALICINDAMA KWACINDAMINA
Abantu abaishiba ukuti balicindama balaicetekela ilyo bali na mafya. Tabafuupulwa bwangu.
-
Abafwailisha pa fintu basanga ukuti abantu abamona kwati tabacindama balalwala sana amasakamika, balaba no bulanda, kabili imiliile yabo taiba bwino. Na kabili abengi balanwa sana ubwalwa no kubomfya imiti iyabindwa.
-
Abantu abaishiba ukuti balicindama tabailinganya ku bantu bambi, ne ci cilalenga baleumfwana bwino na bantu kabili bucibusa bapanga na bantu bulatwalilila. Nomba abantu abamona kwati tabacindama balailishanya sana pa fyo abanabo bacita, ne ci cilalenga belaumfwana bwino na banabo.
-
Abantu abaishiba ukuti balicindama nga bakwata amafya balashipikisha. Amafya tayalenga bakaana ukucita ifyo bapanga ukucita. Nomba abantu abamona kwati tabacindama bamona amafya ayanono ukutila yakalamba. Ne ci cilalenga balefilwa ukucita ifyo bapanga ukucita.
IFYO MWINGACITA
Mulesala ifibusa ifingamukosha. Mulepanga ifibusa na bantu ababa no mucinshi, abafwaya ifintu ukumuwamina, kabili abengamukosha.
Muleafwa abantu. Nga muli ne cikuuku kabili mulecitila abantu ifintu ukubikako na bashingamucitilila icili conse, mukaba ne nsansa isho tukwata ilyo tulepeela. Mukaba ne nsansa nangu ca kuti tabamutashishe pa fisuma ifyo mubacitile.
Muleafwa abana benu ukwishiba ukuti balicindama. Kuti mwacita ifi nga ca kuti mulebaleka balepwisha amafya ayo balekwata ayo bengakumanisha ukupwisha. Nga mulecita ifi abana bakeshiba ifyo balingile ukucita nga bakwata amafya. Na kabili ici cikalenga bakalemona ukuti balicindama, kabili bakakula bwino.
IFYO INTE SHA KWA YEHOVA BALANGA UKUTI BALISHIBA UKUTILA BALICINDAMA
Ifyo Inte sha kwa Yehova basambilila mu kulongana na muli Baibo filabafwa mu mikalile yabo kabili filalenga baishiba ukuti balicindama.
UKULONGANA UKUBAKO CILA MULUNGU
Cila mulungu pa kulongana, tulomfwa amalyashi ayalanda pali Baibo kabili ilingi line aya amalyashi yalalanda na pa fyo twingeshiba ukuti twalicindama. Umuntu uuli onse kuti asangwa kuli uku ukulongana kabili tatulipilisha. Fimo ifyo mwingasambilila nga mwaisa mu kulongana ni fi . . .
-
ico Lesa amubikilako amano
-
ifyo mwingeshiba umulandu mwabela pano calo
-
ifya kupanga ifibusa ifyakosa kabili ifitwalilila
Na kabili mukapanga ifibusa na bantu ‘abakalasekelela pamo na imwe.’—1 Abena Korinti 12:25, 26.
Nga mulefwaya ukwishibilapo na fimbi pa fyo tulongana, kabiyeni pa jw.org no kutamba vidio itila Finshi Ficitika pa Ng’anda ya Bufumu?
UKUSAMBILISHA ABANTU BAIBO
Tulasambilisha abantu Baibo ukubomfya icitabo citila Kuti Mwaba ne Nsansa Umuyayaya! Muli ici citabo mwaliba amalembo ya mu Baibo, ifishinka ifyo balondolola bwino, amepusho ayasuma, amavidio ayafika abantu pa mutima, e lyo ne fikope ifimoneka bwino. Ifyo tusambilisha abantu mu Baibo filalenga baishiba ukuti balicindama, kabili filalenga balaikala bwino.
Nga mulefwaya ukwishiba ifyo mwinganonkelamo mukusambilila Baibo ne Nte sha kwa Yehova, tambeni vidio iipi iitila Mulandu Nshi Mulingiile Ukusambilila Baibolo?
Nalimo Kuti Mwatemwako ne fi
LOLENI!
Ifyo Mulingile Ukulalanga Umucinshi
Umucinshi walicindama sana mu cupo. Kuti mwalanga shani ukuti mwalicindika abena mwenu?
AMASUKO KU MEPUSHO YA MU BAIBOLO
Finshi Baibolo Ilanda pa Kuitemwa?
Yesu atile: “Uletemwa umunobe nge fyo waitemwa we mwine.” Ni mwi aloseshe?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
PA NTE SHA KWA YEHOVA
Ukusangwa ku Kulongana
Belengeni pa kulongana kwesu. Fwayeni ukwa kulonganina mupepi no ko mwikala.
