Kwaliba ifintu ifingi ifyo abantu balanda ukuti e filenga aba mu ndupwa shimo belaikala bwino. Nomba cinshi cilenga aba mu ndupwa shimbi baleikala bwino?

• Ukufuma mu 1990 ukufika mu 2015, impendwa ya bantu abali ne myaka 50 ukufika kuli 64 abo ifyupo fyapwile mu America yalifushiwe imiku ibili, e lyo impendwa ya bantu abacilile imyaka 65 abo ifyupo fyapwile muli ici calo yena yafushiwe imiku itatu.

• Abafyashi tabeshiba ifya kukusha bwino abana: Bamo abasambilila sana balanda ukuti abafyashi balingile ukulatentemba sana abana, e lyo bambi batila balingile ukulabasalapula sana pa kuti bakakule bwino.

• Abacaice abengi bakula fye ukwabula ukwishiba ifyo balingile ukucita pa kuti bakekale bwino.

Na lyo line, icishinka ca kuti . . .

• Abaupana kuti baba ne nsansa kabili kuti batwalilila ukuba mu cupo.

• Abafyashi kuti baishiba ifya kusalapula bwino abana babo.

• Abacaice kuti baishiba ifyo balingile ukucita pa kuti bakekale bwino nga bakula.

Finshi balingile ukucita? Ino magazini ya Loleni! yalalanda pa fintu 12 ifingafwa indupwa.