Ifyo Mwinganonkelamo nga Mwaishiba Icine
Lesa uushingabepa alilaya ukutila abantunse bakaba no “mweo wa muyayaya.”—Yohane 3:16.
FINSHI MULINGILE UKUCITA PA KUTI MUKABE NO MWEO WA MUYAYAYA?
Mufwile ukulasambilila Baibolo.—Yohane 17:3, 17.
Mufwile ukulaumfwila Lesa.—Amalango 30:19, 20.
Mufwile ukulakonka ifyo Baibolo ilanda muli fyonse ifyo mucita.—Yakobo 1:25.
Inte sha kwa Yehova mwi sonde lyonse balanonkelamo mu kusambilila icine icaba mu Baibolo. Kuti batemwa ukumwebako ifyo basambilila mu Baibolo.
Nga mulefwaya ukwishibilapo na fimbi ifyaba mu Baibo, belengeni broshuwa itila Kuti Mwaba ne Nsansa Umuyayaya! Abalemba iyi broshuwa ni Nte sha kwa Yehova kabili kuti mwaisanga pa webusaiti ya www.pr418.com/bem.
