Mwi sonde lyonse, abantu abengi nga nshi balalwala amalwele ya matontonkanyo. Abantu fye bonse, abaice na bakalamba, abasambilila na bashasambilila, abakankaala na bapiina, aba mishobo iyapusanapusana e lyo na bapepa ukwalekanalekana, bonse fye balalwala amalwele ya matontonkanyo. Bushe ciba shani abantu nga balwala amalwele ya matontonkanyo? Ino magazini yalalanda pa co cacindamina ukundapwa nga ca kuti twalilwala amalwele ya matontonkanyo, e lyo ne fyo Baibolo ingafwa abalwala amalwele ya matontonkanyo.