Belengeni Yeremia 38:1-13 pa kuti musambilile pa fyo Yeremia na cilolo Ebede-meleke bali abashipa.

Ishibilenipo na fimbi pa lyashi muleisambilishapo. Bushe Yeremia alangile shani ukuti ali uwashipa ilyo alebila imbila ya kwa Yehova? (Yer. 27:12-14; 28:15-17; 37:6-10) Bushe abantu bacitilepo shani ilyo alebila iyi mbila?​—Yer. 37:15, 16.

Sambilileni na fimbi. Finshi abantu balefwaya Yeremia acite? (jr amabu. 26-27 para. 20-22) Fwailenipo ifyebo na fimbi pa fyo balebomfya ifishima fya kale ne fyo fyalemoneka.(it-1-E ibu. 471) Bushe Yeremia aleumfwa shani ilyo ali mu cishima umwali amatipa? Finshi nalimo Ebede-meleke aletiina?—w12 5/1 ibu. 31 para. 2-3.

Tontonkanyeni pa fyo mwasambililako. Yipusheni amuti:

• ‘Finshi nasambililako pa fyo Yehova acingilila ababomfi bakwe aba cishinka?’ (Amalu. 97:10; Yer. 39:​15-18)

• ‘Ni muli finshi mfwile ukulanga ukuti nalishipa?’

• ‘Kuti nacita shani pa kuti mbe uwashipa sana pa kuti ningalacita icalungama na lintu balempatikisha ukucita ifyabipa?’ (w11 3/1 ibu. 30) a