Bonse fye twalikwata inshita twabika iya kubelenga. Bushe kuti twabomfya shani bwino inshita ya kubelenga? Intanshi mulepoosa inshita iikalamba pa fyo mulebelenga. Mukalanonkelamo sana nga ca kuti mulebelenga ifyebo ifinono ukucila ukubelenga ifingi pa muku umo.

Lyena kuti mwatantika ifyo mwingabelenga. (Efes. 5:15, 16) Moneni fimo ifyo mwingacita:

• Mulebelenga Baibo lyonse. (Amalu. 1:2) Kuti mulekonka ukubelenga Baibo uko babika mu Ukulongana kwa Mikalile.

• Mulepekanya Isambililo lya Ulupungu lwa kwa Kalinda e lyo no Ukulongana kwa Mikalile. Muleitemenwa ukwasukapo.

• Na kabili mulebelenga impapulo ishifuma pa jw.org e lyo no kutamba amavidio ayo babikapo.

• Kuti mwabelengako pa lyashi limo ilyo mwatemwa sana. Kuti mwafwailapo ifyebo na fimbi pa bwafya mukwete nelyo ilyashi limo ilya mu Baibo ilyo mwingatemwa ukumfwikisha. Pa kuti mwishibe bwino ifyo mwingacita, kuti mwaya pa cipande citila “Ifya Kucita pa Kusambilila Baibolo” icaba pa jw.org.