Bushe Mwalipokelela “Umupashi wa Cine”?
Bushe Mwalipokelela “Umupashi wa Cine”?
“Tata . . . [akamupeela kaafwa na umbi ukuti akabe, NW] na imwe umuyayaya, Umupashi wa cine.”—YOHANE 14:16, 17.
1. Fyebo nshi ifyacindama Yesu aebele abasambi bakwe mu maawala ya kulekelesha aali na bo mu muputule wa pa muulu?
“MWE Shikulu, muleya kwi?” Ici e cipusho cimo pa fipusho abatumwa ba kwa Yesu bamwipwishe mu maawala ya kulekelesha ayo aali na bo mu muputule wa pa muulu mu Yerusalemu. (Yohane 13:36) Ilyo ukukumana kwali takulapwa, Yesu abebele ukuti nomba ali mupepi no kubasha ukubwelelamo kuli Wishi. (Yohane 14:28; 16:28) Tali na kuba na bo na kabili ku kubasambilisha no kwasuka ifipusho fyabo. Lelo, abalaile ati: “Ine nkalomba kuli Tata, na o [akamupeela kaafwa na umbi, (nelyo kasansamusha) ukuti akabe, NW] na imwe umuyayaya.”—Yohane 14:16, utulembo twa pe samba, NW.
2. Cinshi Yesu alaile ukutumina abasambi nga aya?
2 Yesu alengele ulya kaafwa ukwishibikwa no kulondolola ifyo aali no kwaafwa abasambi bakwe. Abebele ati: “Awe ifi fintu nshasosele kuli imwe ku kutendeka, ico nali pamo na imwe; lelo nomba ndeya ku wantumine . . . camuwamino kuti ine nje. Pantu nga nshiile, [kaafwa takese, NW] kuli imwe; lelo nga naya, [nkamutuma] kuli imwe. . . . Ilyo akesa ulya, Umupashi wa cine, akamutungulula mu cine conse.”—Yohane 16:4, 5, 7, 13.
3. (a) Ni lilali “Umupashi wa cine” watuminwe ku Bena Kristu ba ntanshi? (b) Ni mu nshila nshi iyacindama uyu mupashi wabelele “kaafwa” kuli bene?
3 Ubu bulayo bwafishiwepo pa Pentekoste wa mu 33 C.E., nge fyo umutumwa Petro ashinine ubunte ati: “Uyo Yesu, Lesa alimwimishe kabili, ifwe bonse twabako inte. E ico pa kusansabikwa ku kwa kulyo kwa kwa Lesa, no kupokelela kuli Wishi icalailwe, Umupashi wa mushilo, apongolola nomba ico mulemona no kuumfwa.” (Imilimo 2:32, 33) Nge fyo twalamona ku ntanshi, umupashi wa mushilo uwapongolwelwe pa Pentekoste wabombele ifintu ifingi ku Bena Kristu ba ntanshi. Lelo Yesu alaile ukuti “Umupashi wa cine” wali no ‘kubebulula fyonse ifyo asosele kuli bene.’ (Yohane 14:26) Wali no kubafwa ukwibukisha ubutumikishi bwa kwa Yesu ne fisambilisho fyakwe, na mashiwi fye alandile, no kuyalemba. Ici cali no kwaafwa nga nshi umutumwa Yohane uwali nakota ku kupwa kwa mwanda wa myaka uwa kubalilapo C.E. ilyo atendeke ukulemba Ilandwe lyakwe. Muli lilya lyashi mwaba no kufunda kwawamisha uko Yesu afundile ilyo atendeke Icibukisho ca mfwa yakwe.—Yohane, ifipandwa 13-17.
4. Bushe “Umupashi wa cine” wayafwile shani Abena Kristu basubwa aba ntanshi?
4 Yesu kabili alaile balya basambi ba ntanshi ukuti umupashi wali no ‘kubasambilisha fyonse’ no ‘kubatungulula mu cine conse.’ Umupashi wali no kubafwa ukumfwikisha ifyashika ifya mu Malembo no kubalenga ukwikatana mu matontonkanyo, mu kumfwikisha, na mu 1 Abena Korinti 2:10; Abena Efese 4:3) Kanshi umupashi wa mushilo wakoseshe balya Bena Kristu ba mu kubangilila ukuti babombele pamo ngo “musha wa cishinka kabili uwashilimuka” ku kupeela Abena Kristu basubwa umo umo “ifya kulya [fya ku mupashi] mu nshita iyene.”—Matthew 24:45.
co balefwaya ukucita. (Umupashi Ushimiko Bunte
5. (a) Cintu nshi icipya Yesu asokolwelele abasambi bakwe pa Nisani 14 ubushiku, mu 33 C.E.? (b) Mulimo nshi umupashi wa mushilo wali no kubomba mu kufishapo ubulayo bwa kwa Yesu?
5 Pa Nisani 14 ubushiku, mu 33 C.E., Yesu alikumishe kuli uyu mulandu no kweba abasambi bakwe ukuti akabapokelela no kwikala na bo na Wishi mu muulu. Abebele ati: “Mu ng’anda ya kwa Tata mwaba apa kwikala apengi. Acikanabe fi, bushe nga nalimwebele, nati, ndeya ku kumupekanisho bwikalo? Kabili nga naya, no kumupekanisho bwikalo, nkesa kabili, no kumupokelela kuli ne mwine; ukuti uko ndi e ko na imwe mukabe.” (Yohane 13:36; 14:2, 3) Bali no kuteka nankwe mu Bufumu bwakwe. (Luka 22:28-30) Pa kupokelele ili subilo lya ku muulu, balekabila ‘ukufyalwa ku mupashi’ nga bana ba ku mupashi aba kwa Lesa no kusubwa ukuti babe ishamfumu kabili bashimapepo na Kristu mu muulu.—Yohane 3:5-8; 2 Abena Korinti 1:21, 22; Tito 3:5-7; 1 Petro 1:3, 4; Ukusokolola 20:6.
6. (a) Ni lilali ubwite bwa mu muulu bwatendeke, kabili ni banga baitwa muli ubu bwite? (b) Abaitwa babatishiwe muli finshi?
6 Ubu “bwite bwa mu muulu” bwatendeke pa Pentekoste wa mu 33 C.E. kabili, maka maka bwamoneke kwati bwaishilepwa pa kati ka ba 1930. (AbaHebere 3:1) Impendwa ya bakakatikwe no mupashi wa mushilo ku kuba muli Israele wa ku mupashi ni 144,000, “abalubwilwe mu bantu.” (Ukusokolola 7:4; 14:1-4) Aba babatishiwe ukuti bengile mu mubili wa ku mupashi uwa kwa Kristu, mu cilonganino cakwe, na mu mfwa yakwe. (Abena Roma 6:3; 1 Abena Korinti 12:12, 13, 27; Abena Efese 1:22, 23) Pa numa babatishiwe mu menshi no kusubwa no mupashi wa mushilo, baingile mu bumi bwa kuipusula, e kuti ubumi bwa kuba na bumpomfu mpake mfwa yabo.—Abena Roma 6:4, 5.
7. Mulandu nshi cabela icalinga ku Bena Kristu basubwa beka ukulyako ku fimpashanya pa Cibukisho?
7 Apo bena Israele ba ku mupashi, aba Bena Kristu basubwa baali mu cipingo cipya icaba pa kati ka kwa Yehova na “Israele wa kwa Lesa.” (Abena Galatia 6:16; Yeremia 31:31-34) Icipingo cipya caikashiwe ku mulopa wasumiwe uwa kwa Kristu. Yesu alandile pali ici ilyo atendeke Icibukisho ca mfwa yakwe. Luka alemba ati: “Abuulile umukate, kabili ilyo atootele, aliumokawile, no kupeela kuli bene, ati, Uyu mubili wandi uulepeelwa pa mulandu wa imwe; citeni ici ku kunjibukisha. Ifyo fine ilyo baliile umulalilo, abapeele no lukombo, ati, Ulukombo ulu e cipingo cipya mu mulopa wandi uuleitililwa pa mulandu wa imwe.” (Luka 22:19, 20) Aba muli ba 144,000 abacili pe sonde, e bo calinga ukulyako umukate no mwangashi wa mampalanya pa Cibukisho ca mfwa ya kwa Kristu.
8. Bushe abasubwa beshiba shani ukuti baliitwa ku muulu?
8 Bushe abasubwa baishiba shani ukuti baliitwa ku muulu? Balapokelela ubunte bwa mupashi wa mushilo ubushili bwa kutunganya fye. Umutumwa Paulo alembele ku ba musango yo ati: “Bonse abatungululwa ku Mupashi wa kwa Lesa, bene bana ba kwa Lesa. . . . Umupashi wine uleshimiko bunte pamo ne mitima yesu ukuti tuli bana ba kwa Lesa; kabili nga tuli bana, ninshi tuli impyani, impyani sha kwa Lesa, impyani shinankwe sha kwa Kristu; nga cine cine tuleculila pamo nankwe, ukuti no kucindamikwa tukacindamikilwe pamo nankwe.” (Abena Roma 8:14-17) Ubu bunte bwa mupashi bwaliluma nga nshi ica kuti abo abatwishika nangu fye panono pa lwa kwitwa mu bwite bwa mu muulu, baleshiba fye apabuuta ukuti tabaitwa, ne co cibalenga ukuleka ukulyako ifimpashanya pa Cibukisho.
Umupashi ne Mpaanga Shimbi
9. Mabumba nshi yabili ayapusana yalumbulwa mu Malandwe na mwi buuku lya Ukusokolola?
9 Apo aalishibe impendwa inono iya Bena Luka 12:32; Yohane 10:16) Aba mu mpaanga shimbi abalonganikwa mu nshita ya ku mpela e bakapanga “ibumba likalamba” ilili no kupusuka “ubucushi bukalamba,” kabili ilyaba ne cilolelo ca kwikala umuyayaya pe sonde lya paradise. Kuti mwatemwa ukwishibo kuti ne cimonwa Yohane alangilwe ku mpela ya mwanda wa myaka uwa kubalilapo C.E. na co cilalekanya pa kati ka ili bumba likalamba na ba 144,000 abapanga Israele wa ku mupashi. (Ukusokolola 7:4, 9, 14) Bushe impaanga shimbi na bo balapokelela umupashi wa mushilo, nga balapokelela, bushe ukuma shani imikalile yabo?
Kristu baitwa ku kupanga Israele wa ku mupashi, Yesu abetile ati “umukuni unono.” Baletwa mwi “cinka” lya cipingo cipya, ukupusanako ne mintapendwa ya “mpaanga shimbi,” abo Yesu atile na bo ali no kubalonganya. (10. Bushe impaanga shimbi babatishiwilwa shani “mwi shina lya kwa Tata ne lya Mwana ne lya Mupashi wa mushilo”?
10 Umupashi wa mushilo cine cine ulabomba umulimo wacindama mu mikalile ya mpaanga shimbi. Balango kuipeela kwabo kuli Yehova pa kubatishiwilwa “mwi shina lya kwa Tata ne lya Mwana ne lya Mupashi wa mushilo.” (Mateo 28:19) Balisumina ukuti Yehova e mulopwe, balainashisha kuli Kristu ukuti e Mfumu kabili Umulubushi wabo, kabili mu mikalile yabo balainashisha ku co umupashi wa kwa Lesa nelyo amaka yabomba yalecita. Cila bushiku, balatukuta ukulundulula “ifisabo fya Mupashi” mu mikalile yabo, ukufilumbula, “ukutemwa, ukusekelela, umutende, ukutekanya, icongwe, ubusuma, icishinka, ukunakilila, ukuteko mutima.”—Abena Galatia 5:22, 23.
11, 12. (a) Bushe abasubwa bashishiwa shani mu nshila yaibela nga nshi? (b) Ni mu nshila nshi impaanga shimbi bashishiwa no kulengwa aba mushilo?
11 Impaanga shimbi na bo bafwile ukuleka Icebo ca kwa Lesa no mupashi wakwe uwa mushilo ukubasangulula, nelyo ukubashisha. Abasubwa kale kale balishishiwa mu nshila yaibela nga nshi, apo balilungamikwa no kulengwa aba mushilo pa kuba nabwinga wa kwa Kristu. (Yohane 17:17; 1 Abena Korinti 6:11; Abena Efese 5:23-27) Kasesema Daniele abeta ati “abashila ba Wapulamo,” abapeelwa Ubufumu ubutungululwa no “mwana wa muntu,” Kristu Yesu. (Daniele 7:13, 14, 18, 27) Ku numa, Yehova alandiile muli Mose na Aarone ku luko lwa kwa Israele ati: “Nine Yehova Lesa wenu, e ico ishisheni no kuba aba mushilo, pantu ine ndi wa mushilo.”—Ubwina Lebi 11:44.
12 Ishiwi lya kuti “ukushisha” lipilibula fye ukuti “ukulenge cintu ukuba ica mushilo, ukucipaatula ukuti cilebomfiwa mu mulimo wa kwa Yehova Lesa nelyo ukuti alecibomfya; caba kufika pa kubo wa mushilo, uwashishiwa, nelyo uwasangululwa.” Ku numa sana mu 1938, Ulupungu lwa kwa Kalinda ulwa ciNgeleshi lwasosele ukuti baYonadabu, nelyo impaanga shimbi, “bafwile ukusambililo kuti ukuishisha [ukuipeela] kulakabilwa kuli onse uukaba muli cinkupiti mukalamba kabili uukekala pe sonde.” Mu cimonwa ce bumba likalamba, icalembwa mwi buuku lya Ukusokolola, bashimikwa ukuti “basambile amalaya yabo, no kuyabuutusha mu mulopa wa Mwana wa mpaanga” no kuti balebombela Yehova “[umulimo washila, NW] mwi tempele lyakwe akasuba no bushiku.” (Ukusokolola 7:9, 14, 15) Pa kwafwilishiwa no mupashi wa mushilo, impaanga shimbi balabombesha ukulenga imikalile yabo ibe umwabela ifyo bumushilo bwa kwa Yehova bufwaya.—2 Abena Korinti 7:1.
Ukucite Cisuma Kuli Bamunyina ba kwa Yesu
13, 14. (a) Ukulingana no mulumbe wa kwa Yesu uwa mpaanga ne mbushi, ni pi pashintilila ipusukilo lya mpaanga? (b) Muli ino nshita ya ku mpela, ni shani impaanga shimbi bacita icisuma kuli bamunyina Kristu?
13 Yesu akomaile pali bucibusa bwa pa mutima ubwaba pa mpaanga shimbi no mukuni unono mu mulumbe wakwe uwa mpaanga ne mbushi, uwaba na mu kusesema kwakwe ukwa pa “kupwa kwa pano isonde.” Muli ulya mulumbe, Kristu alangile apabuuta ukuti ipusukilo lya mpaanga shimbi lyalikuma nga nshi ku fyo bacita ku basubwa, abo aitile ati, “bamunyinane.” Atile: “Imfumu ikeba aba ku kulyo kwa iko, ikatila, Iseni, mwe bapaalwa ba kwa Tata, kwateni ubufumu ubwateyanishiwe imwe ukufuma pa kulengwa kwa pano isonde. . . . Ndemwebe cine cine, nati, apo ponse mwacitiile umo wa muli aba bamunyinane abacepesha, mwacitiile ine.”—Mateo 24:3; 25:31-34, 40.
14 Amashiwi ya kuti “apo ponse mwacitiile” yalosha ku milimo ya kutemwa iya kutungilila bamunyina Kristu abafyalwa ku mupashi, abo icalo ca kwa Satana cimona kwati beni, no kupoosa fye bamo pali bene mu cifungo. Balakabila ifya kulya, ifya kufwala fyalinga, no kusakamanwa mu kulwala. (Mateo 25:35, 36, utulembo twa pe samba, NW) Muli ino nshita ya ku mpela, ukutula mu 1914, abasubwa abengi baliponenwa ne fi fintu. Ifyacitikila Inte sha kwa Yehova muno nshiku e fishinina ukuti balyafwiwa ku banabo ba busumino, aba mu mpaanga shimbi, ukulingana ne fyo umupashi wabalengele ukucita.
15, 16. (a) Ni mu mulimo nshi maka maka impaanga shimbi bayafwa bamunyina Kristu pe sonde abasubwa? (b) Bushe abasubwa batasha shani impaanga shimbi?
15 Bamunyina basubwa aba kwa Kristu muli ino nshita ya ku mpela balyafwiwa nga nshi ukufuma ku mpaanga shimbi mu kubomba umulimo Lesa atupeela uwa ‘kushimikila imbila nsuma iyi ya bufumu ku fyalo fyonse ku kubo bunte ku nko shonse.’ (Mateo 24:14; Yohane 14:12) Nangula impendwa ya basubwa pe sonde iya ilecepelako fye mu kupita kwa myaka, impendwa ya mpaanga shimbi yena yalikula ica kuti ifikile na ku mamilioni. Amakana na makana pali aba balibomba bukabila bwa mbila nsuma mu mulimo wa nshita yonse, e kutila bupainiya na bumishonari, ukusalanganya imbila nsuma ya Bufumu ukufika ku “mpela ya pano nse.” (Imilimo 1:8) Bambi balabomba umulimo wa kushimikila ukufika apo bengapesha kabili balatemwa ukutungilila uyu mulimo wacindama mu fya ndalama.
16 Ala bamunyina Kristu abasubwa balatasha nga nshi pali uku kutungilila kwa bucishinka ukufuma ku banabo, impaanga shimbi! Ifyo bomfwa pali ici fyalembelwe bwino nga nshi mu citabo ca kuti Umutende wa mu Kusalala kwa Calo pe Samba lya kwa “Cilolo wa Mutende,” icapekanishiwe ne bumba lya musha mu 1986. Cisosa aciti: “Ukutula pa Nkondo ya Calo iya II, ukufikilishiwa kwa kusesema kwa kwa Yesu ukwa ‘kusondwelela kwa micitile ya fintu’ kuli maka maka pa mulandu wa mulimo uo “ibumba likalamba” ilya “mpaanga shimbi” babomba. . . . E ico, tuletasha nga nshi, kwi “bumba likalamba” mu fyalo fyonse, mu ndimi ishingi pa mulimo ukalamba babomba mu kufikilisha ukusesema kwa kwa [Yesu] ukwa pali Mateo 24:14!”
‘Tabalengelwe Abapwililila Ukwabula Ifwe’
17. Ni mu nshila nshi abantu ba busumino aba ku kale abakabuushiwa pe sonde ‘bashakalengwe abapwililila ukwabula’ abasubwa?
17 Ico ali uwasubwa, ilyo alelanda no kulosha AbaHebere 11:35, 39, 40) Mu Myaka Ikana Limo (1,000), Kristu na bamunyina basubwa ba 144,000 mu muulu bakaba ishamfumu kabili bashimapepo no kuletela aba pe sonde amapaalo yakafuma mu cilubula ce lambo lya kwa Kristu. E co impaanga shimbi ‘bakalengwa abapwililila’ mu mubili na mu matontonkanyo.—Ukusokolola 22:1, 2.
ku baume na banakashi ba busumino abaliko ilyo Kristu ashilaisa pe sonde, umutumwa Paulo alembele ati: “Abo bonse, pa kushimikwa bwino ku citetekelo cabo, tabapokelele icalailwe, pa kuti Lesa amwenene ifwe [fwe basubwa] icintu cimo icawamisha, ukuti belengwa abapwililila ukwabula ifwe.” (18. (a) Cinshi ubushinino busangwa mu Baibolo bufwile ukwaafwa impaanga shimbi ukwishiba? (b) Lisubilo nshi impaanga shimbi bakwata ilyo balelolela “ukusokololwa kwa bana ba kwa Lesa”?
18 Fyonse ifi fifwile ukulenga impaanga shimbi ukutontonkanya pa mulandu Amalembo ya Bwina Kristu aya ciGriki yalandila sana pali Kristu na bamunyina basubwa e lyo na pa mulimo ukalamba babomba mu kufishiwa kwa bufwayo bwa kwa Yehova. E ico impaanga shimbi balishiba ukuti lishuko lyaibela ukutungilila ibumba lya musha wasubwa mu nshila fye shonse isho bengamutungililamo ilyo balelolela “ukusokololwa kwa bana ba kwa Lesa” pa Armagedone na mu Myaka Ikana Limo. Kuti baenekela inshita ‘bakalubulwa ku busha bwa kubola no kutwalwa mu buntungwa bwa bukata bwa bana ba kwa Lesa.’—Abena Roma 8:19-21.
Abaikatana mu Mupashi pa Cibukisho
19. Cinshi “umupashi wa cine” wacitila abasubwa na banabo impaanga shimbi, kabili ni shani bakacilapo ukwikatana pa March 28 icungulo bushiku?
19 Mwi pepo lyakwe ilya kulekelesha pa Nisani 14 ubushiku, mu 33 C.E., Yesu atile: “[Ndelomba] . . . ukuti bonse babe bamo; ifyo imwe, mwe Tata, mwaba muli ine na ine muli imwe, e fyo na abo babe muli ifwe: ukuleka aba pano isonde batetekele ukuti ni mwe mwantumine.” (Yohane 17:20, 21) Pa mulandu wa kutemwa, Lesa atumine Umwana wakwe ukwisapeela ubumi bwakwe ukuti abasubwa e lyo na bantunse bonse aba cumfwila bamone ipusukilo. (1 Yohane 2:2) “Umupashi wa cine” walikatanya bamunyina Kristu na banabo impaanga shimbi. Pa March 28, pa numa ya kuwa kwa kasuba, aba muli aya mabumba yabili bakalongana ku kwibukishe mfwa ya kwa Kristu no kwibukisha fyonse ifyo Yehova abacitila mwi lambo lya Mwana wakwe uwatemwikwa, Kristu Yesu. Shi ukusangwapo kwabo kukakoshe ukwikatana kwabo no kubuukulula umupampamina wabo uwa kutwalilila ukucito kufwaya kwa kwa Lesa, no kuleka bakashinine ukuti balasekelela pa kuba pa bantu abo Yehova atemwa.
Ukupitulukamo
• Ni lilali “umupashi wa cine” watuminwe ku Bena Kristu ba ntanshi, kabili wali shani “kaafwa”?
• Bushe abasubwa beshiba shani ukuti baliitwa ku muulu?
• Ni mu nshila nshi umupashi wa kwa Lesa ubomba pa mpaanga shimbi?
• Bushe impaanga shimbi baacita shani icisuma kuli bamunyina Kristu, kabili mulandu nshi ‘bashakalengwe abapwililila ukwabula’ abasubwa?
[Amepusho]
[Icikope pe bula 21]
“Umupashi wa cine” walipongolwelwe pa basambi pa Pentekoste wa mu 33 C.E.
[Ifikope pe bula 23]
Impaanga shimbi balicita icisuma kuli bamunyina Kristu pa kubatungilila mu kufishapo umulimo Lesa abapeela uwa kushimikila