Ica Kucitika Cacindamisha

CALI ni mfwa ya kwa Yesu Kristu. Mulandu nshi yacindamine? Ni pa milandu iingi.

Bucishinka bwa kwa Yesu ukufika na ku mfwa bwashinine ukuti umuntunse kuti asungilila bumpomfu kuli Lesa.

Imfwa ya kwa Kristu yalengele bamo ukupeelwe ishuko lya kuba bakateka banankwe na wene mu myulu. Kabili yaiswile inshila ku bengi ku kwisaipakisha ubumi bwa muyayaya muli paradise wa pe sonde.

Icungulo bushiku Yesu talati afwe, abomfeshe umukate ushatutumuka na waini wakashika nge fimpashanya fye lambo lyakwe ilya kutemwa. Kabili aebele abasambi bakwe ukuti: “Citeni ici ku kunjibukisha.” (Luka 22:19) Bushe mukebukisha ici ca kucitika icacindamisha?

Inte sha kwa Yehova mu nsansa shilemulaalika ukwisasangwako ku kusefya Icibukisho ca mfwa ya kwa Yesu. Uno mwaka ubushiku bwa kusefya ici ca kucitika bukabako pa numa ya kuwa kwa kasuba pali Cine, pa March 28. Kuti mwasangwa ku Ng’anda ya Bufumu iyabela mupepi na kuntu mwikala. Shi ipusheni Inte sha kwa Yehova ku cifulo mwaba pa lwa nshita lintu uku kukumana kukatendeka na ku cifulo kukabela.