“Nasangile Fyonse Ifyo Nalekabila”

UKULINGANA na lipoti ya kabungwe ka World Health Organization, abantu bakungumana imitima bali mupepi na mamilioni 120 isonde lyonse. Cila mwaka, abantu na bambi milioni umo balaipaya na bambi pa kati ka mamilioni 10 na 20 balafwaya ukuipaya. Bwafwilisho nshi bwingapeelwa ku bakungumana imitima? Ukubomfya umuti kuti kwacefyako ukucula, no kutungilila inkuntu sha ulecula kwalicindama nga nshi. Kabili, bamo abalecula no bu bwafya basanga ubwafwilisho na bumbi mu mpapulo shashimpwa pali Baibolo isha Inte sha kwa Yehova, nge fyo kalata ikonkelepo iyafumine ku France ilelanga.

“Ishi nshiku shapita, naleyumfwa ukuti nshakwete ubufwayo bwine bwine ubwa kubela umumi. Napepele kuli Lesa ukuti imfwe. Nali ngo wafwa lwa nkati. Apo nalefwaya ubutungulushi, nalipepele sana kuli Yehova. Napingwilepo no kubelenga 2002 Yearbook of Jehovah’s Witnesses iyo napwile mu nshiku shitatu. Ici citabo calinkoseleshe nga nshi ne citetekelo candi calikoshiwe.

“Ala nalisungwike cibi ilyo nafwailishe ifyebo na fimbi mu Ulupungu lwa kwa Kalinda na muli Loleni! Ukucila pa myaka 15 iyo nabelenga aba bamagazini, nshakutulwike ifyo ifipande fyabamo fyaba ifya kukoselesha kabili ifya kucincimusha. Mwaisulamo imibele iishaseeka ilelo, iya kutemwa. Nasangile fyonse ifyo nalekabila.”

Baibolo itila: “Yehova aba mupepi na ku baputuke misana, kabili abafunshike mitima alabapususha.” (Amalumbo 34:18) Ukwabula ukutwishika, bonse “abaputuke misana” kuti bakoseleshiwa no kusanga isubilo lya ku ntanshi mu Baibolo. Inte sha kwa Yehova balananya impapulo shashimpwa pali Baibolo ku kwafwilisha abalefwaya ukunonkelamo mu ntulo ya cisansamushi iyapuutwamo na Lesa.