Ifipusho Ukufuma ku Babelenga
Ifipusho Ukufuma ku Babelenga
Bushe amashiwi yatila ukukwata“ubumi umwine” yalola mwi?
Baibolo ilanda ulwa kwa Yesu ngo wakwata “ubumi umwine” na bakonshi bakwe nga bakwata ‘ubumi muli bene.’ (Yohane 5:26; 6:53) Lelo aya malembo tayapilibula cimo cine.
Yesu asosele ati, “Pantu ifyo Wishi aba no bumi umwine, e fyo apeela no Mwana ukuba no bumi umwine.” Lintu Yesu ashilalanda aya mashiwi yashaiwamina, atile: “Ndemwebe cine cine, nati, Uwaumfwe cebo candi no kutetekela uwantumine aba no bumi bwa muyayaya . . . Inshita ileisa, na nomba e po ili, ilyo abafwa bakomfwe shiwi lya Mwana wa kwa Lesa, na bakomfwa bakaba abomi.” Yesu pano alelosha ku maka yaibela ayo Wishi amupeela, aya kulenga abantu ukusenaminwa kuli Lesa. Yesu na kabili alikwata amaka ya kubuusha abalaala mu mfwa no kubapeela ubumi na kabili. Kuli Yesu, ukuba no “bumi umwine” cipilibula ukuti alipeelwa aya maka. Ukupala Wishi, Umwana na o alikwata ‘ica bupe ca bumi umwine.’ (Yohane 5:24-26) Ni shani pa lwa bakonshi bakwe?
Lintu papitile mupepi no mwaka umo, Yesu aebele abalekutika kuli wene ati: “Ndemwebe cine cine, nati, Nga tamuliile umubili wa Mwana wa muntu no kunwo mulopa wakwe, tamukwete bumi muli imwe. Uulya umubili wandi no kunwo mulopa wandi ali no bumi bwa muyayaya, kabili nkamubuusha pa bushiku bwa kupelekesha.” (Yohane 6:53, 54) Yesu pano alinganya ukuba no “bumi muli imwe” ku kunonka “ubumi bwa muyayaya.” Amashiwi na yambi ayapalana mu milandile na ya yalasangwa sana mu Malembo ya ciGriki. Ifya kumwenako fibili ni aya mashiwi yatila, “Kwateni umucele muli mwe bene,” na yatila “no kupokelela abene beka icilambu conse.” (Marko 9:50; Abena Roma 1:27) Muli ifi fya kumwenako, aya mashiwi tayapilibula ukuba na maka ya kupeela bambi umucele nelyo ukulambula uuli onse. Lelo, yalangilila ukukumanina kwa mu kati nelyo umwisulo. E ico, amashiwi yatila “ubumi muli imwe” ayaba pali Yohane 6:53 yapilibula ukukwata umwisulo wa bumi.
Lintu Yesu alelanda pa bakonshi bakwe ukuti balikwata ubumi muli bene, alilandile na pa mubili Yohane 6:53, 54 tabaishibepo no kusefya kwa pa mwaka ukwa kubomfya ifimpashanya fimininako umubili no mulopa wa kwa Kristu.
wakwe no mulopa wakwe. Pa nshita imbi lintu aletendeka Umulalilo wa kwa Shikulu, Yesu na kabili alandile pa lwa mubili wakwe no mulopa wakwe kabili aebele abakonshi bakwe abali no kwingila na wene mu cipingo cipya ukulyako ifimpashanya fya mukate uushatutumuka no kunwako umwangashi. Bushe cilepilibula ukuti Bena Kristu basubwa fye, ababa mu cipingo cipya na Yehova Lesa, e bakwata umwisulo wa bumi? Iyo. Apo Yesu asosele aya mashiwi palipitile no mwaka umo e lyo atendeke Umulalilo wa kwa Shikulu. Abaumfwileko amashiwi ya kwa Yesu ayalembwa paliUkulingana na Yohane 6, Yesu mu kubalilapo alingenye umubili wakwe kuli mana, atile: “Bashinwe baliile mana mu matololo lelo balifwile. Uyu e mukate uwafuma ku muulu, ukuti onse alyeko no kukanafwa. Ine ndi mukate wa bumi uwafumine ku muulu; umuntu nga alyako uyu mukate, akekala pe na pe.” Umubili no mulopa wa kwa Yesu walicililepo ukucindama pali mana ya cine cine. Mu musango nshi? Pantu umubili wa kwa Yesu wapeelwe “pa mulandu wa bumi bwa ba pano calo,” pa kuti kube ubumi bwa muyayaya. * E co amashiwi ya pali Yohane 6:53 ayatila ukukwata “ubumi muli imwe” yabomba kuli bonse abakapokelela ubumi bwa muyayaya ku muulu nangu pe sonde.—Yohane 6:48-51.
Bushe ni lilali abakonshi ba kwa Kristu bapokelela ubumi muli bene, nelyo ukukwata umwisulo wa bumi? Ku basubwa ababa impyani sha Bufumu, cicitika lintu babuushiwa no kuba no bumi bwa bumunshifwa mu muulu nge fibumbwa fya mupashi. (1 Abena Korinti 15:52,53; 1 Yohane 3:2) “Impaanga shimbi” isha kwa Yesu shena shikaba no mwisulo wa bumi pa mpela ya Kuteka kwa Myaka 1,000. Pali ilya nshita bakaba nabeshiwa no kusangwa aba busumino kabili abalungama na kabili bakapokelela ubumi bwa muyayaya muli Paradaise pe sonde.—Yohane 10:16; Ukusokolola 20:5, 7-10.
[Futunoti]
^ para. 7 Lintu abena Israele capamo “ne cintobentobe cikalamba” baali mu matololo, bakabile mana pa kuti babe abomi. (Ukufuma 12:37, 38; 16:13-18) Mu kupalako, pa kuti Abena Kristu basubwa ne mpaanga shimbi bengekala ku ciyayaya, balingile ukulyako mana wafuma ku muulu ukupitila mu kutetekela mu maka ya kulubula aya mubili no mulopa wa kwa Yesu uwapeelwe nge lambo.—Moneni Ulupungu lwa kwa Kalinda, ulwa February 1, 1988, amabula 30-1.
[Ifikope pe bula 31]
Abena Kristu ba cine bonse kuti bakwata ‘ubumi muli bene’