Icalo Umwabula Bumpulamafunde Cikabako

NGA mwingelenganya, elenganyeni icalo umwabula bampulamafunde! Teti kube bakapokola, ififungo, nelyo inshila sha mutengo kabili ishapikana isha kufwailishishamo imilandu. Muli ico calo umuntu onse kuti acindika ubumi ne fipe fya bambi. Bushe ici cilemoneka nge cishingacitika? E fyo mwingamona, lelo uku kwaluka kwa kupapusha e ko Baibolo yalaya. Mukwai tontonkanyeni pa fyo Amalembo yalanda pali bumpulamafunde na pa fibi fimbi ificitika pano calo?

Mwi buuku lya Amalumbo, tubelengamo ukuti: “Wilalunguluka pa ncitatubi, wifinuka abacite fya bupondamishi; pantu bakabonsa bwangu ngo mulemfwe, kabili bakalokota nge cani citeku. lelo abalanda bakapyaninine calo, no kuilemeno bwingi bwa mutende.” (Amalumbo 37:1, 2, 11) Cine cine, takuli uwingacilikila Lesa ukufishapo ubu bulayo na malayo yakwe yonse aya kukoselesha.

Lesa akaleta aya mapaalo ukupitila mu Bufumu bwakwe. Mwi pepo lya We Shifwe, Yesu Kristu asambilishe abakonshi bakwe ukupepela ukwisa kwa ubu Bufumu no kufwaya kwa kwa Lesa ukucitwa “pano isonde nga mu muulu.” (Mateo 6:9, 10) Nomba line, mu kuteeka kwa bulya Bufumu, pano calo tapakabe uupatikishiwa ukupula ifunde pa mulandu wa bupiina, ukutitikishiwa, nelyo bukaitemwe. Lelo, Icebo ca kwa Lesa citila: “Mube ukupaka kwa ngano mu calo, na pa muulu wa mpili.” (Amalumbo 72:16) Cine cine, Yehova Lesa akapeela bonse pa calo ifisuma ifishakatale afipwa. Ne cacindama sana ca kuti, ubwikashi bwa bantu bukashintilila pa kutemwa Lesa na bantu banabo, kabili icalo tacakatale acipumfyanishiwa na bumpulamafunde.