Bushe Kuti Mwaelenganya Ifyo Mulebelenga?

PA KWELENGANYA bwino bwino ifyacitike kale, kano namwishiba bwino uko fyacitikile ilyo mulefibelenga. Ku ca kumwenako, tontonkanyeni pa nyendo sha bumishonari isha mutumwa Paulo ishalandwapo mwi buuku lya mu Baibolo ilya Imilimo. Mu bulendo bwakwe ubwa kubalilapo, afumine mu Antioke, umo abakonshi ba kwa Yesu babalilepo ukwitwa Abena Kristu. Lyene aile ku fifulo pamo nga Salami, Antioke wa ku Pisidia, Ikonia, Lustra, na Derbe. Bushe kuti mwaelenganya bwino bwino uko ifi fifulo fyabelele?

Nalimo te kuti mucite co, kano namukwata mapu. Bamapu ba musango yo baba mu katabo kapya aka mabula 36 aka, “Moneni Icalo Cisuma.” Umo uwabelengapo aka katabo uwa ku Montana, ku United States of America, atashishe ukuti: “Nomba ndemona bwino ifyo Paulo aendele no kwelenganya fintu imyendele yakwe yali, pamo na fintu wene na banankwe babombele umulimo wa kubila imbila nsuma. Ndetasha pali aba bamapu basuma.”

Muli aka katabo mwaba bamapu na bambi ukulunda pali ulya uwa nyendo sha kwa Paulo. Aba bamapu balenga uulebelenga ukwelenganya ifyashimikwa mu Baibolo. Kuti mwapokako aka katabo ka “Moneni Icalo Cisuma” nga mwalemba aka kapepala no kutuma ku keyala kali pano nelyo kuli kambi akalinga ukufuma pe bula 2 ilya uno wine magazini.

□ Mukwai ndefwaya ukuntuminako fye akatabo ka “Moneni Icalo Cisuma.”

□ Mukwai ndefwaya ukusambilila Baibolo pa Ng’anda.

[Abatusuminishe Ukubomfya Icikope pe bula 32]

Pictorial Archive (Near Eastern History) Est.