Tulemulalika . . .

Bushe na Nomba Lesa Alikwata Amaka pa Ficitika Pano Calo?

CILA bushiku, tulomfwa ilyashi lya masanso yalengwa ne fyabumbwa na Lesa, ifikuko, ubufumfuntungu bwa baba mu buteko, ukusansa kwa tupondo, inkondo ne misoka. Ifilecitika mu calo, nampo nga fyalimucitikilapo atemwa iyo, filenga abengi ukufwaya ukwishiba uko cino calo cilelola kabili nampo nga ifintu fikatala afiwama.

Pa kwasuka amepusho ayasakamika abantu, Inte sha kwa Yehova ababa mu fyalo ukucila 200, bakalanda ilyashi lya ku cintubwingi ilya pa nshita yalinga ilileti “Bushe na Nomba Lesa Alikwata Amaka pa Ficitika Pano Calo?” Likalondolola ifyo Lesa alanda na fintu alaya muli Baibolo, Icebo cakwe ica cine, pa mepusho yacindama aya kuti:

Bushe Lesa alipoosako amano ku ficitika pali lino isonde?

Bushe omfwa shani pa mikalile ya bantu?

Bushe alipoosako amano ku mikalile yenu?

Mu ncende ishingi, ili lyashi likalandwa pa Mulungu, pa 30 April, 2006, pa Ng’anda ya Bufumu iya Nte sha kwa Yehova. Inte sha kwa Yehova kuntu mwikalila bakatemwa sana ukumweba inshita ya kulongana no ko ukulongana kukabela.

Tulemulaalika ukuti mukeseumfwako ili lyashi, ukwabulo kulipila. Ili lyashi lya kukoselesha likafuma mu Baibolo, kabili likaasuka bwino bwino icipusho ca kuti: Bushe na Nomba Lesa Alikwata Amaka pa Ficitika Pano Calo?