Bushe Tulingile Ukutiina Ukwisa kwa kwa Yesu?

BUSHE mutila cikaba shani ilyo Yesu Kristu akesa? Bushe mutontonkanya ukutila ikaba ni nshita ya kupwa kwa calo nelyo iya kukanda abantu? Nelyo bushe mutila ikaba ni nshita ya kupwisha amafya yonse ayo twakwata? Bushe tufwile ukutiina ukwisa kwa kwa Kristu? Nelyo bushe tufwile ukufwaisha ukuti akese?

Baibolo ilanda pa kwisa kwa kwa Kristu ukutila: “Moneni! Aleisa na makumbi, ne linso lyonse likamumona, . . . ; ne mitundu yonse ya pano isonde bakapumapo imisowa pa mulandu wakwe.” (Ukusokolola 1:7) Uku kwisa, kulelosha ku fyo Yesu akesa ku kulambula abalungama no kukanda ababifi.

Umutumwa Yohane taletiina ukwisa kwa kwa Kristu, lelo alefwaisha ukuti ese. Pa numa ya kumulanga ifyo cikaba ilyo Yesu akesa na pa fyo akacita kwi sonde, Yohane apepele no mutima onse ukutila: “Iseni, mwe Shikulu Yesu.” (Ukusokolola 22:20) Nomba mulandu nshi aba ‘mitundu yonse iya pano isonde bakapuminapo imisowa pa kwisa kwakwe’? Bushe amashiwi ya kuti “ilinso lyonse” likamumona yalola mwi? Bushe finshi Kristu akacita ilyo akesa? Bushe kuti twanonkelamo shani ino nshita nga twasumina mu kwisa kwakwe? Aya mepusho yalayasukwa mu cipande cikonkelepo.