“Bushe Mwalishiba Ishina lya kwa Lesa?”

ICI cipusho calengele umwanakashi wa ku Asia ukufwaisha ukwishiba ifingi pali Lesa. Ici cipusho cali pa nkupo ya Loleni! ya April 8, iya mu 2004 iifumina pamo na ino magazini. Uyu mwanakashi alembele abalemba magazini ya Loleni! ukuti: “Ukufuma fye apo nabelengele ilya magazini, ndabelenga magazini ya Loleni! lyonse, kabili yalingafwa ukulatontonkanya pa kuba ne mibele isuma. Nomba ninjishiba ukuti kwaliba ico Lesa atupangile. Ndebako bambi pa fyo naishiba pali Lesa wesu na pa fyo ukwishiba Lesa kulenga umuntu ukukanasakamikwa sana.”

Mu ncende ishingi, ‘ukufika ku mpela ya pano isonde,’ abantu balesambilila pe shina lya kwa Lesa, Yehova. (Imilimo 1:8) Ica kumwenako fye, ishina lya kwa Lesa mu ciTurkmen ni Yehowa, kabili lilasangwa sana mu Baibolo ya ciTurkmen. Pa Amalumbo 8:1 patila: “Mwe Yehova, Shikulwifwe, ifyo lyabe likankaala ishina lyenu pano isonde ponse!”

Pa kuti ulya mwanakashi asambilile ifingi pali Yehova Lesa, aipwishe ukumupeelako broshuwa yakwata amabula 32 itila Ishina lya Bulesa Ilikatwalilila Kuli Pe na Pe. Na imwe bene nga mulefwaya kuti mwaipusha Inte ya kwa Yehova ukumuletelako uyu broshuwa.