Bushe Abantu Pano Calo Bakekatana?

BUSHE ku ntanshi uku tuleya pakaba umutende pano calo nelyo pakapona akayofi? Kwena abatila kukaba umutende na batila kukaba akayofi, bonse bafwile balishiba ico balandile fyo.

Bakateka bamo balicetekela sana ukuti mu calo conse mukaba umutende. Nakalimo icalenga bacetekele fyo ni co balimona ukuti nga ca kuti muno calo tamuli mutende, ifintu kuti fyabipisha ica kuti cakanga na mate ukumina. Bambi bena balatiina sana nga batontonkanya pa mepusho yapale fi: Fyalo nshi fyakwata ifyanso fyakalipisha ifingepaya abantu imintapendwa pa muku umo? Bushe abakwata ifi fyanso bakafibomfya ku ntanshi? Nga ca kutila balifibomfeshe finshi fingacitika?

Ilyashi lya kale lilangilila ukutila ukukansana no kupatana e filenga abantu mu calo ukukanaikatana, kabili ilingi line imipepele ilalenga abantu ukulakansana sana mu nshita ya kubekatanya. Kalemba we lyashi, James A. Haught atile: “Icintu conse icileta amalekano, kuti calenga abantu ukupatana icabipisha, kabili imipepele yaba pa fintu ifileta sana amalekano.” Uyu kalemba asosele no kuti: “Nangu ca kutila twaishiba ukuti abaya ku mapepo balaba ne ‘mitima iisuma,’ twaliimwena na menso ukuti imipepele ilalenga bamo ukulacita ifintu ifishaibipila.” Kalemba we lyashi umbi, Steven Weinberg, na o wine atile: “Imipepele e ingalenga abantu abasuma balacita ifyabipa.”

Bushe abantu muno calo bakekatana? Ee! Lelo twalamona ukutila icikalenga abantu ukwikatana te bantu abene iyo, kabili te mipepele baipangila abene.

[Amashiwi pe bula 3]

Bushe cino calo caba nge bomba ilili mupepi fye no kupuulika?