Akakashana Akaba no Mutima wa Bukapekape

NOMBA line, umwana umwanakashi uuli ne myaka 9 uwa ku Brazil umwine fye ayakenye pabili indalama alesunga—amadola 18 na madola 25. Amadola 18 aileipoosa mu kabokoshi ka misangulo aka pa Ng’anda ya Bufumu aka ndalama sha kubomfya ifikumine icilonganino. Amadola 25 yena atumine ku maofeshi ya Nte sha kwa Yehova pamo na kakalata alembele. Muli kalata alembele atile: “Napeela ishi ndalama ukuti shingabomfiwa ku mulimo wa mwi sonde lyonse. Ndefwaya ukwafwilishako aba bwananyina icalo conse ukushimikila imbila nsuma. Ico ndepeelela ishi ndalama ni co nalitemwisha Yehova.”

Abafyashi ba uyu mwana balimusambilisha ubucindami bwa kubombako umulimo wa kushimikila pa Bufumu. Kabili balimusambilisha no ‘kucindika Yehova ku fyuma fyakwe.’ (Amapi. 3:9) Shi ifwe bonse, ukupala uyu mwana umunono natulebombesha ukutwala pa ntanshi umulimo wa Bufumu, ku ncende twikala e lyo na mu calo conse!