Balishipikishe mu “Nshita ya Kwesha”
ILYASHI LYA KALE
Balishipikishe mu “Nshita ya Kwesha”
Ilyo kwali Inkondo ya Calo iya Kubalilapo mu 1914 e lyo abantu abengi baishibe ukuti Abasambi ba Baibolo tabalwako inkondo. (Esa. 2:2-4; Yoh. 18:36; Efes. 6:12) Bushe cali shani ku babomfi ba kwa Lesa mu Britain?
Mu 1916, ubuteko mu Britain bwafumishe ifunde lya kuti abaume abashaupa, abali ne myaka 18 ukufika ku 40 bafwile ukuya ku nkondo. Batile abashingaya fye ni balya abo imipepele yabo nelyo kampingu ishingabasuminisha ukulwa inkondo. Ubuteko bwalibikileko ifilye ifyali no kumona nampo nga umo kuti aya ku nkondo nelyo iyo.
Mu nshita fye iinono, Abasambi ba Baibolo 40 balibakakile kabili 8 balibatumine ku kulwa inkondo ku France. Pa mulandu wa ulu lufyengo lwacitike, bamunyinefwe mu Britain balembeele Cilolo Mukalamba, Herbert Asquith kalata umo bailishenye pa fyo bafyengele aba bamunyinefwe kabili kwali ne fipepala apo abantu 500 basaine ku kulangilila ukuti balilufyenye pa kukaka balya bamunyinefwe.
Lyena twaumfwile ukuti balya 8 abo batumine ku France babapingwilile ukuti bali no kubapika imfuti pantu balikeene ukulwako inkondo. Lelo ilyo babatantamike pa kuti babepaye, babapingwile ukukakwa imyaka 10 no kulabomba imilimo iyakosa. Balibabweseshemo ku England uko bailebabika mu fifungo fya buteko.
Ilyo inkondo yatwalilile, aba buteko batile na baume abaupa bafwile ukuya ku nkondo. Uo babalilepo ukulubulwisha mu musumba wa Manchester ku England, ni munyinefwe Henry Hudson uwali dokota. Pa 3 August mu 1916, icilye camupeele umulandu wa kukanacita ifyo ifunde lyalandile kabili bamwebele ukulipila indalama e lyo bamutwele ku cifungo ca bashilika. Pa nshita imo ine mu musumba wa Edinburgh, mu Scotland na mo balelubulwisha munyinefwe James Frederick Scott uwali ne myaka 25 kabili painiya, lelo ena tabamusangile no mulandu uuli onse. Ubuteko bwalitwele uyu mulandu ku cilye na cimbi lelo balilekele ukulubulula ilyo kwali umulandu na umbi mu London. Lelo munyinefwe Herbert Kipps uo balelubulwisha bamusangile no mulandu kabili balimupingwile indalama no kumutwala ku cifungo ca bashilika.
Ilyo September 1916 yalefika ninshi bamunyinefwe 264 balilomba ubuteko ukuti bwikabatuma ku nkondo. Pali aba, 5 balibasuminishe ukukanalwako inkondo, 154 babapeele imilimo iyakosa iya kubomba, 23 babapeele imilimo iishali ya kulwako inkondo, 82 babatwele ku cifungo ca bashilika kabili bamo babatwele ku kubalubulwisha ku cilye ca bashilika pantu tabalecita ifyo babebele. Abantu abengi balifulilwe ku fyo balecusha aba bamunyinefwe kabili ubuteko bwalibafumishe mu fifungo fya bashilika no kubakuushisha ku fifungo fya cintubwingi.
Ba Edgar Clay na ba Pryce Hughes abaishileba bakangalila ba musambo mu Britain babatumine ukuya mu kubombela pa cishiba ca ku Wales. E lyo ba Herbert Senior abali pali balya 8 abo babweseshe ukufuma ku France babatwele ku cifungo ca Wakefield ica mu Yorkshire. Bamunyinefwe bambi babatwele ku cifungo ca Dartmoor ukwabipile sana uko balebomba imilimo iyakosa, kabili abengi abali muli ici cifungo ni bamunyinefwe abakeene ukwingila ubushilika.
Munyinefwe Frank Platt, uwasumine ukubomba imilimo ishili ya kulwako inkondo, balemucusha sana pantu alekaana ukulwako. Ba Atkinson Padgett, abasambilile icine pa numa ya kwingila ubushilika, nabo balibacushishe sana pantu balikeene ukulwa inkondo.
Nangu ca kutila pali ilya nshita bamunyinefwe tabaishibe bwino umo calolele ukukanaba ulubali lwa ici calo, balefwaya ukulenga Yehova Lesa ukusekelela. Abo tulandilepo muli lino lyashi baba fya kumwenako ifisuma ifya kukanaitumpa mu fikansa fya calo maka maka mu “nshita ya kwesha.” (Ukus. 3:10)—Ilyashi lya kale ukufuma ku Britain.
Nalimo Kuti Mwatemwako ne fi
AMEPUSHO ABANTU BEPUSHA SANA
Cinshi ba Nte sha kwa Yehova Bashi-ibikila mu Milandu ya Mitekele ya Calo?
Bushe balafwaya ukwimina ubuteko?
ULUPUNGU LWA KWA KALINDA—ULWA KUSAMBILILAMO
Ifyo Imbuto sha Bufumu Shatandilwe pa Muku wa Kubalilapo mu Portugal
Mafya nshi aba bwananyina bakwete mu Portugal ilyo batendeke fye ukubila imbila nsuma?
ULUPUNGU LWA KWA KALINDA—ULWA KUSAMBILILAMO
Amalyashi ya ku Cintubwingi Yalenga Abantu Abengi mu Calo ca Ireland Baumfwa Imbila Nsuma
Finshi fyalengele ba C. T. Russell bashininkishe ukuti muli calo “mwali ifisabo ifyapile ifyalingile ukulobololwa”?
ULUPUNGU LWA KWA KALINDA—ULWA KUSAMBILILAMO
“Ni Lilali Tukakwata Ukulongana Kukalamba na Kumbi?”
Finshi fyalengele ukuti uku kulongana kube ukwacindama nangu ca kuti kwasangilwe fye abantu nalimo 150?
ULUPUNGU LWA KWA KALINDA—ULWA KUSAMBILILAMO
“Twali Abacincila Kabili Twalitemenwe Sana Ukubila Ukucila Ifyo Cali Kale”
Ilyo ukulongana kwa citungu ukwa mu 1922 kwapwile, bushe Abasambi ba Baibolo balikonkele ifyo babebele ukuti “sabankanyeni, Imfumu no bufumu”?
ULUPUNGU LWA KWA KALINDA—ULWA KUSAMBILILAMO
“Takwaba Umusebo Uwabipisha Nelyo Uwalepesha”
Ku kupwa kwa myaka ya ba 1920 e lyo na ku kutampa kwa myaka ya ba 1930, bapainiya abali abacincila balefwaisha ukuti na bantu abaleikala mu ncende iikalamba iyaba kwati ciswebebe mu Australia bomfwe imbila nsuma iya Bufumu bwa kwa Lesa.
