Munyinefwe Uusontelwe Ukuba mwi Bumba Litungulula

Pali Citatu ulucelo, pa 5 September, mu 2012, babilishe ku lupwa lwa Bethel ulwa ku United States na ku Canada ukuti munyinefwe na umbi nasontwa ukuba mwi Bumba Litungulula ilya Nte sha kwa Yehova. Pa 1 September, mu 2012, e lyo munyinefwe Mark Sanderson atendeke ukubomba mwi Bumba Litungulula.

Munyinefwe Sanderson akuliile mu San Diego, ku California ku U.S.A. Abafyashi bakwe abaali ni ba Nte e bamukushishe kabili abatishiwe pa 9 February mu 1975. Atendeke bupainiya pa 1 September mu 1983 kabili alebombela mu Saskatchewan ku Canada. Mu December 1990, alipwishishe amasambililo mwi Sukulu lya Kukansha Ilya Butumikishi (ilitwa ino nshita ukuti Isukulu lya Bamunyinefwe Abashimbe) ku United States. Aali mwi kalasi lyalenga 7. Munyinefwe Sanderson bamusontele ukuba painiya waibela mu April 1991, kabili alebombela pa cishi ca Newfoundland ku Canada. Pa numa ya kubomba nga kaafwa wa kwa kangalila wa muputule, balimwitile ku musambo wa ku Canada, mu February, mu 1997. Mu November 2000, bamukuushiishe ku musambo wa ku United States, uko alebombela mu Dipartimenti Ipeela Ifyebo pa fya Fipatala kabili pa numa atendeke ukubomba mu Dipartimenti Yangalila Umulimo wa Kushimikila.

Mu September 2008, munyinefwe Sanderson aile kwi Sukulu lya Baba muli Komiti ya Musambo kabili pa numa alisontelwe ukuba muli Komiti ya Musambo wa ku Philippines. Mu September 2010, bamwebele ukubwelela ku musambo wa ku United States, uko alebomba umulimo wa kwafwa Komiti ya Mulimo iye Bumba Litungulula.

[Akabokoshi pe bula 26]

Abali mwi Bumba Litungulula Pali ino Nshita

Ku numa, ukufuma ku kuso: D. H. Splane, A. Morris III, D. M. Sanderson, G. W. Jackson, M. S. Lett. Ku ntanshi, ukufuma ku kuso: S. F. Herd, G. Lösch, G. H. Pierce. Bonse ababa mwi Bumba Litungulula Bena Kristu basubwa.