Ubushiku Ubwacindamisha pa Nshiku Shonse

Ubu bushiku bwacindamisha, bushiku ubo Yesu Kristu afwililepo. Mulandu nshi imfwa ya kwa Yesu yacindamina? Kwaliba ifintu ifingi ifyalenga ukuti icindame.

Filya Yesu atwalilile uwa cishinka mpaka imfwa yakwe, alangile ukuti umuntu kuti aba ne cishinka kuli Lesa.

Kabili imfwa ya kwa Kristu e yalenga no kuti abantunse bamo bakayeteka nankwe ku muulu. E lyo yalenga no kuti abantu bambi abengi bakekale umuyayaya muli paradaise pano pene pe sonde.

Icungulo bushiku ilyo ashilafwa, Yesu abomfeshe umukate ushatutumuka no mwangashi wakashika ifyali fimpashanya fya mubili wakwe uo apeele ilambo. Kabili aebele abasambi bakwe ati: “Mulecita ici ku kunjibukisha.” (Luka 22:19) Bushe mukebukisha ukucita ici cintu cacindama?

Inte sha kwa Yehova balemwita ukuti mukasangwe na bo ilyo bakalaibukisha imfwa ya kwa Yesu. Uno mwaka bakebukisha iyi imfwa pali Cine, pa 9 April, lilya fye akasuba kawa. Kuti mwasangwako na imwe pa Ng’anda ya Bufumu iyabela mupepi no ko mwikala. Ipusheni Inte sha kwa Yehova ababa uko mwikala pa kuti bamwebe inshita bakatendeka no ko bakalonganina.