Icipande Ca Baice

Umuntu Uwatetekele Amalayo ya kwa Lesa

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa amashiwi ya bantu, no kumfwa filya fine abo amalembo yalelandapo baaleumfwa.

TONTONKANYA PA FYACITIKE.—BELENGA UKUTENDEKA 12:1-4; 18:1-15; 21:1-5; 22:15-18.

Londolola ifyo napamo Abrahamu aumfwile ilyo Lesa amulaile ukuti akaba icikolwe ca “mwana” uukalenga aba pano calo ukupaalwa.

․․․․․

Bushe waelenganya ukuti abeni batatu abalondololwa pa Ukutendeka 18:2 balemoneka shani?

․․․․․

Bushe waelenganya ukuti umulimo uwalondololwa pa Ukutendeka 18:6-8 wabombelwe shani? (Ibukisha ukuti Abrahamu pali iyi nshita ninshi ali mupepi ne myaka 100.)

․․․․․

TONTONKANYAPO SANA.

Myaka inga iyapitilepo ukutula apo Yehova alaiile Abrahamu ukuti akakwata umwana umwaume ukufika na lintu Isaki afyelwe? (Belenga na kabili Ukutendeka 12:4 na 21:5.)

․․․․․

Finshi Yehova aebele Abrahamu muli ilya myaka alelolela ukukwata umwana ifyalengele ukuti atetekele? (Belenga Ukutendeka 12:7; 13:14-17; 15:1-5, 12-21; 17:1, 2, 7, 8, 15, 16.)

․․․․․

Finshi Yehova acitiile Abrahamu ilyo Abrahamu afililwe ukucetekela sana nga kuti akwata umwana? (Belenga na kabili Ukutendeka 15:3-5, 12-21.)

․․․․․

Bushe Yehova alesokolola shani panono panono ifyebo pa “mwana”?

․․․․․

FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Mulandu tufwile ukutetekela amalayo ya kwa Lesa. ․․․․․

Fyo Yehova asokolola ubufwayo bwakwe panono panono.

․․․․․

FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․