Ubufi Bumo Butungulula ku Bufi na Bumbi

UMUTUMWA Paulo alembeele Abena Kristu abaikeleko mu myaka ya kulekelesha iya batumwa ukuti: “Cenjeleni.” Cinshi alebacenjeshako? Atile: “Epali umuntu amuteka ubusha ku mano ya buntunse no bucenjeshi ukulingana ne ntambi sha bantu.”—Abena Kolose 2:8.

Nangu ca kutila Paulo alibasokele, ukutendeka mu myaka yaba 150 C.E., Abena Kristu bamo batendeke ukubomfya ifisambilisho fya ba mano ya buntunse pa kulondolola ifyo basuminemo. Mulandu nshi balecitile fi? Balefwaya ukutemwikwa ku bantu abasambilile sana abali mu Buteko bwa bena Roma kabili ukucite fi kwali no kulenga bakwata abantu abengi aba kubakonka.

Justin Martyr, umo uwalumbuka sana pali aba Bena Kristu, asumine ukuti Uwalelandilako Lesa amonekele ku baGriki aba mano ya buntunse kale sana ninshi na Yesu talaisa. Ukulingana na Justin e lyo na bakafundisha bambi abalesambilisha ifi fisambilisho, baleti ukusambilisha amano ya buntunse e lyo ne ntambi mu fya buKristu kwalengele abantu abengi mu calo ukutemwa iyi mipepele.

Imipepele ya kwa Justin Martyr yalisendele abantu abengi. Lelo ubufi bumo bwalengele ukuti kube ubufi na bumbi ubo Abena Kristu abengi muno nshiku basuminamo. Pa kwishiba bwino ubu bufi, linganyeni ifyo ifitabo twalalandapo fisosa ku fyo Baibolo isambilisha.

[Abatumtuminishe Ukubofya Ifikope Fili pe bula 3]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence