Icipande ca Baice

Ifyo Wingasanga Ifibusa fya Cishinka

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Yonatani, Davidi, na Shauli

Ifyo cali: Ilyo Davidi aipeye Galyati, Yonatani aishileba cibusa wa pa mutima uwa kwa Davidi.

1 TONTONKANYA PA CACITIKE.—BELENGA 1 SAMWELE 17:57–18:11; 19:1; 20:1-17, 41, 42.

Londolola ifyo Shauli alemoneka ukulingana ne fyo ule-elenganya. (Pa kusanga icasuko: Belenga 1 Samwele 10:20-23.)

․․․․․

Ilyo Davidi akumene na Yonatani, Davidi afwile ali fye mulumendo. Bushe uletontonkanya ukuti alemoneka shani? (Pa kusanga icasuko: Belenga 1 Samwele 16:12, 13.)

․․․․․

Bushe ishiwi lya kwa Davidi ne lya kwa Yonatani lyaleumfwika shani ilyo balekene nge fyo calembwa mu fikomo fya kulekeleshako ifya 1 Samwele icipandwa 20?

․․․․․

2 FWAILAPO IFYEBO NA FIMBI.

Baibolo ilanda ukuti “umutima wa kwa Yonatani waikatene no mutima wa kwa Davidi.” Baibolo ya Contemporary English Version yena yatila, “Davidi na Yonatani baishileba ifibusa fya pa mutima.” (1 Samwele 18:1) Cinshi nalimo calengele ukuti Yonatani atemwe Davidi? (Pa kusanga icasuko: Belenga 1 Samwele 17:45, 46.)

․․․․․

Yonatani acilileko Davidi imyaka nalimo 30. Cinshi uletontonkanya ukuti e calengele ukuti babe “ifibusa fya pa mutima” nangu ca kutila balipusene imishinku?

 ․․․․․

Bushe cibusa wa cine cine aba shani nge fyo ili lyashi lya kwa Davidi na Yonatani lilanga? (Pa kusanga icasuko: Belenga Amapinda 17:17; 18:24.)

․․․․․

Mulandu nshi Yonatani abelele uwa cishinka kuli Davidi ukucila kuli bawishi?

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Fibusa.

․․․․․

Kuba ne cishinka.

․․․․․

Kupanga icibusa na bakalamba.

․․․․․

Kuti wacita shani pa kuti ukwate ifibusa ifisuma?

․․․․․

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

NGA TAWAKWATA BAIBOLO, KUTI WALOMBAKO KU NTE SHA KWA YEHOVA