Icipande Ca Baice

Lesa Taba na Kapaatulula

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Korneli na Petro

Ifyo cali: Petro apashenye Lesa uushaba na kapaatulula ilyo ashimikile kuli Korneli, umwina Fyalo.

1 TONTONKANYA PA CACITIKE.—BELENGA IMILIMO 10:1-35, 44-48.

Ukulingana ne fyo ule-elenganya, londolola ifyo Korneli alemoneka.

․․․․․

Bushe uletontonkanya ukuti Korneli aumfwile shani ilyo alelanda na malaika, nge fyo ifikomo 3 ukufika ku 6 filandile?

․․․․․

Bushe uletontonkanya ukuti finshi Korneli alanshenye na babomfi bakwe, nge fyo ifikomo 7 na 8 filandile?

․․․․․

2 FWAILAPO IFYEBO NA FIMBI.

Mulandu nshi icilangililo ico balangile Petro mu fikomo 10 ukufika ku 16 cabelele icalinga? (Pa kusanga icasuko: Tontonkanya na pali filya Petro ali umuYuda, nge fyo icikomo 14 cilelanga.)

․․․․․

Nga wabelenga icikomo 25, bushe ulemona ukuti Korneli ali ne mibele nshi? Mulandu nshi abantu abengi abakwata icifulo ca pa muulu nga cilya Korneli akwete bashikwatila iyi mibele? (Pa kusanga icasuko: Belenga icikomo 1.)

․․․․․

 Belengelapo impapulo na shimbi pa kuti usange impendwa ya baume abali mwi bumba lya bashilika ilya bena Italia, ilyo Korneli aleangalila.

․․․․․

Mulandu nshi ukupilibuka kwa kwa Korneli kwabelele ukwaibela?

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Kubomfya bwino ifilangililo.

․․․․․

Fyo Lesa ashaba na kapaatulula.

․․․․․

Fyo na iwe wingalanga ukuti tawaba na kapaatulula.

․․․․․

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

NGA TAWAKWATA BAIBOLO, KUTI WALOMBAKO KU NTE SHA KWA YEHOVA