Icipande ca Baice

Uwa Fibashi Aundapwa!

Ifya Kucita: Ube ukushili icongo pa kwasuka aya mepusho. Ilyo ulebelenga Baibolo, ule-elenganya ukuti e ko uli, uleumfwa na mashiwi ya bantu no kumfwa filya fine abantu abo amalembo yalelandapo baleumfwa. Leka ilyashi libe kwati ni ino nshita lilecitika.

Abo balelandapo sana: Ni Naamani, Elisha, no mukashana umwina Israele uushalumbulwa ishina

Ifyo cali: Umukalamba wa bashilika ba ku Siria Naamani aundapwa ku bulwele bwabipisha pa numa umukashana umwina Israele amweba ukuyamona Elisha.

1 TONTONKANYA PA CILECITIKA.—BELENGA 2 ISHAMFUMU 5:1-19.

Finshi uletontonkanya ukuti e fyalesakamika uyu mukashana umunono uo bafumishe ku lupwa lwakwe ulwalepepa Lesa?

․․․․․

Finshi uletontonkanya ukutila e fyasakamika Naamani—umwaume wa maka lelo uulwele ubulwele bwabipisha?

․․․․․

Mibele nshi wamona muli Naamani ilyo alelanshanya na babomfi bakwe mu cikomo 11 ukufika ku cikomo 13?

․․․․․

Bushe Naamani ayaluka shani ukulingana ne fyo wamona ukutendekela mu cikomo 15?

․․․․․

2 FWAILAPO IFYEBO NA FIMBI.

Finshi napamo fyalengele Naamani ukuba ne cilumba? (Belenga na kabili icikomo 1.)

․․․․․

Bomfya impapulo shilanda pali Baibolo pa kufwayamo ifyebo na fimbi ifilanda pa bulwele bwa fibashi ubwaliko kale. * (Ku ca kumwenako, bushe ubu bulwele bwabipile shani? Bushe bwaleambukila? Bushe baleundapa shani ubu bulwele?)

․․․․․

 Bushe ulemona ukuti ukundapwa kwa kwa Naamani kwakumine shani umukashana umunono umwina Israele?

․․․․․

Bushe ifyo Elisha a-aswike fyaeseshe shani Naamani? (Belenga icikomo 10.)

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Bubi bwa kuba ne cilumba.

․․․․․

Kuba uwashipa ukulanda pa fyo wasuminamo.

․․․․․

Maka Yehova akwata aya kundapa.

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

NGA TAWAKWATA BAIBOLO, KUTI WALOMBAKO KU NTE SHA KWA YEHOVA

[Futunoti]