Icipande ca Baice

Ulebika Amano ku fya Mushilo!

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Isaki, Rebeka, Yakobo, na Esau

Ifyo cali: Esau ashitishe ububeli kuli Yakobo, mpundu munankwe.

1 TONTONKANYA PA CACITIKE.—BELENGA UKUTENDEKA 25:20-34.

Mibele nshi Yakobo na Esau balangile na lintu bali mwi fumo muli banyina?

․․․․․

Bushe uletontonkanya ukuti Yakobo na Esau balemoneka shani ilyo bali abalumendo?

․․․․․

Bushe uletontonkanya ukuti ishiwi lya kwa Yakobo na Esau lyaleumfwika shani ilyo balelanshanya, nge fyo ifikomo 30 ukufika ku 33 filandile?

․․․․․

․․․․․

FWAILAPO IFYEBO NA FIMBI.

Belengelapo impapulo na shimbi pa kuti wishibe insambu umwana mwaume ibeli alekwata. Mulandu nshi ishi nsambu shacindamine? Bushe filya Esau ashitishe insambu sha bubeli capilibwile finshi?

2 TONTONKANYA PA CACITIKE.—BELENGA UKUTENDEKA 27:1-10, 30-38.

Bushe ule-elenganya ukuti ishiwi lya kwa Esau lyaleumfwika shani ilyo aishibe ukuti umwaice wakwe e o bapaalile ipaalo lyalingile ukupokelela ibeli?

 ․․․․․

FWAILAPO IFYEBO NA FIMBI.

Bushe Rebeka na Yakobo balilufyenye filya bacitile pa kuti Yakobo e o bapaalilemo? Londolola. (Pa kusanga icasuko: Belenga Ukutendeka 25:23, 33.)

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Fingafumamo nga ca kutila wapingula fye ifintu ukwabula ukutontonkanyapo bwino.

․․․․․

FINSHI FIMBI IFYO WASAMBILILAKO?

Fintu nshi ifya mushilo ifyo Lesa akupeela?

․․․․․

Finshi ulingile ukulacita pa kuti ulange ukuti walibika amano ku fya mushilo?

․․․․․

4. FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

Nga tawakwata Baibolo, kuti walombako ku Nte sha kwa Yehova