Icipande ca Baice

Wila-angala na Bantu Babipa!

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Dina, Shekemu, Yakobo, Simeone, na Lebi

Ifyo cali: Dina balimwikete ku maka kuli Shekemu no kulaala nankwe, kabili bandume yakwe abakalipe nga nshi balilandwile.

1 TONTONKANYA PA CACITIKE.—BELENGA UKUTENDEKA 34:1-31.

Bushe uletontonkanya ukuti finshi nalimo Dina alecita na banankwe ba ku Kanaani?

․․․․․

Bushe uletontonkanya ukuti finshi Shekemu ale-eba Dina pa kufwaya ‘ukumunashanasha’?

․․․․․

Bushe ule-elenganya ukuti ishiwi lya kwa Yakobo lyaleumfwika shani ilyo alekalipila Simeone na Lebi, nge fyo icikomo 30 cilelanda?

․․․․․

2 FWAILAPO IFYEBO NA FIMBI.

Uletontonkanya ukuti cinshi Dina aleila libili libili ku kutandalila abana banakashi ba mu Kanaani? (Ku ca kumwenako, ni muli finshi apalene nabo? Finshi nalimo asangile ku bena Kanaani ifishali ku mwabo?)

․․․․․

Mibele nshi nalimo Dina atemenwe muli Shekemu? (Belenga na kabili ifikomo 3, 12, na 19.)

․․․․․

 Finshi Baibolo ilanda ifilanga ukuti Dina talefwaya ukusendama na Shekemu? (Belenga na kabili icikomo 2.)

․․․․․

Bushe uletontonkanya ukuti Simeone na Lebi balicitile fye bwino filya balandwile pa kwipaya abaume ba mu Shekemu? Mulandu nshi wa-asukila ifyo?

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO . . .

Pa fyo cacindama ukusala bwino ifibusa.

․․․․․

Pa kuilama, nangu ca kutila pali umulandu wa kukalipila.

․․․․․

FINSHI FIMBI IFYO WASAMBILILAKO?

Finshi wingacita pa kuti abantu abashikonka amafunde ya kwa Lesa tabolungene nobe?

․․․․․

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

nga tawakwata Baibolo, kuti walombako ku Nte sha kwa Yehova