Icipande ca Baice

Cenjela Kuli Bamalaika Babipa!

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

1 TONTONKANYA PA CACITIKE.—BELENGA UKUTENDEKA 6:1-6 NA IMILIMO 19:11-20.

Ukulingana ne fyo ule-elenganya, londolola ifyo abaNefili balemoneka.

․․․․․

Ukulingana na Imilimo 19:13-16, bushe uletontonkanya ukuti abaume baumfwile shani ilyo umupashi ubifi walandile kuli bena?

․․․․․

2 FWAILAPO IFYEBO NA FIMBI.

Belengelapo impapulo na shimbi pa kuti wishibe ifyo abaNefili bali. Uletontonkanya ukuti mulandu nshi babelele no lukaakala?

․․․․․

Mulandu nshi twingalandila ukuti bamalaika babipa ‘balishile ififulo fyabo ifyabalinga’? (Belenga Yuda 6.) Uletontonkanya ukuti mulandu nshi cabipile nga nshi ifi bamalaika bacitile, ukuupa abanakashi abantunse? _______

․․․․․

Finshi aya malyashi yabili wabelenga yalekweba pa fyo bamalaika babipa batemwisha ubulalelale no lukaakala?

 3 FINSHI WASAMBILILA MULI ILI LYASHI? LEMBA IFYO WASAMBILILAKO . . .

Pa bunkalwe na bukaitemwe ubo bamalaika babipa bakwata. FINSHI FIMBI IFYO WASAMBILILAKO?

Apo bamalaika babipa te kuti bafwale imibili ya bantunse, finshi bengacita pa kufwaya ukukutunka?

․․․․․

Lumbula ifya kuleseshamo icitendwe ifilanga ifyo bamalaika babipa baba ne fyo batemwa.

․․․․․

Kuti walanga shani ukuti taufwaya nangu panono ukuti imipashi yabipa ilekutunka? (Belenga na kabili Imilimo 19:18, 19.)

․․․․․

4 FINSHI WATEMWAMO SANA MULI AYA MALYASHI KABILI CINSHI WAFITEMENWA?

․․․․․

Nga tawakwata Baibolo, kuti walombako ku Nte sha kwa Yehova nelyo kuti wabelenga pa Intaneti pa www.watchtower.org