Ifipesha Amano Ifili No Kucitika Nomba Line
Ifipesha Amano Ifili No Kucitika Nomba Line
NGA ca kuti mwalilwele ubulwele ubukalamba sana ubulekabila ukumulepula, e lyo baeba dokota uushabala abombelapo pali ubu bulwele, bushe kuti mwaumfwa shani? Ukwabula no kutwishika kuti mwasakamana. Inga ca kuti dokota uwalamubombela alishiba sana ukulepula kabili alibombelapo na bantu abengi abalwelepo ubu bulwele, bushe te kuti mucetekele ukutila na imwe alamundapa bwino?
Cino calo twabamo caba ngo mulwele uulekabila ukundapwa na dokota uwaishiba sana imilimo. Yehova Lesa alitulaya mu Cebo cakwe Baibolo ukuti ali no kulenga lino isonde ukuba Paradaise na kabili. (2 Petro 3:13) Lelo pa kuti paradaise ikese, intanshi ububifi bufwile ukufumishiwapo umupwilapo. (Amalumbo 37:9-11; Amapinda 2:21, 22) Ifyabipa fyonse ifyaba muli cino calo fifwile ukufumishiwapo ilyo paradaise ishilaisa. Pa kuti ifi fikacitike, icipesha amano cikacitika!—Ukusokolola 21:4, 5.
Inte sha kwa Yehova balisumina ukuti ifi ifipesha amano fili no kucitika nomba line. Mulandu nshi basuminina ifyo? Pantu ifipesha amano ifyo Yehova acitapo kale filangilila ukuti alikwata amaka ya kufikilisha ifyo alaya. Natulandeko pa fipesha amano 6 ifyalembwa mu Baibolo no kufilinganya ku fyo yalaya ukuti fikacitika ku ntanshi.
Mukwai, twalilileni ukusambilila pa fyo Baibolo yalaya ukuti fikacitika ku ntanshi. Ilyo icitetekelo cenu cikalakula, isubilo lyenu likalakoselako e kutila isubilo lya kwisaikala mu calo ilyo Yehova akacita ifipesha amano.
[Akabokoshi ne Fikope pe bula 9]
ICIPESHA AMANO:
YESU ALIISHISHE IBUMBA ILIKALAMBA UKUBOMFYA FYE UMUKATE UUNONO NE SABI.—MATEO 14:13-21; MARKO 8:1-9; YOHANE 6:1-14.
UBULAYO:
“Isonde likamesha ifilimwa fya liko; Lesa, Lesa wesu, akatupaala.”—AMALUMBO 67:6.
UMO UBU BULAYO BWALOLA:
TAKULI NANGU UMO UUKAFWA KU NSALA.
ICIPESHA AMANO:
YESU ALISHIBWILE AMENSO YA MPOFU.—MATEO 9:27-31; MARKO 8:22-26.
UBULAYO:
“Pali iyo nshita amenso ya mpofu yakamona.”—ESAYA 35:5.
UMO UBU BULAYO BWALOLA:
BONSE ABASHIMONA BAKAMONA.
ICIPESHA AMANO:
YESU ALIPOSESHE ABALEMANA.—MATEO 11:5, 6; YOHANE 5:3-9.
UBULAYO:
“Uwalemana amolu akacilauka nge nsebula.”
UMO UBU BULAYO BWALOLA:
ABALEMANA BONSE BAKONDAPWA.
ICIPESHA AMANO:
YESU ALYUNDEPE AMALWELE AYALEKANALEKANA.—MARKO 1:32-34; LUKA 4:40.
UBULAYO:
“Takuli umwikashi uukatila: ‘Nindwala.’” —ESAYA 33:24.
UMO UBU BULAYO BWALOLA:
AKAFUMYAPO AMALWELE YONSE. TUKABA NO BUMI UBUSUMA.
ICIPESHA AMANO:
YESU ALIKWETE AMAKA PA FYABUMBWA.—MATEO 8:23-27; LUKA 8:22-25.
UBULAYO:
“Bakakuula amayanda no kwikalamo; bakalima na mabala ya myangashi no kulya ifisabo fya yako. Tabakaculile apa fye.”—ESAYA 65:21, 23.
“Tawakatitikishiwe nangu panono—pantu tawakatiine nangu umo—kabili tapali icikakutiinya nangu cimo, pantu ica kutiinya tacakakupalame.”—ESAYA 54:14.
UMO UBU BULAYO BWALOLA:
UTUYOFI TUKAPWA.
ICIPESHA AMANO:
YESU ALIBUUSHISHE ABAFWA.—MATEO 9:18-26; LUKA 7:11-17.
UBULAYO:
‘Bonse ababa mu nshiishi . . . bakafumamo.’—YOHANE 5:28, 29.
“Bemba alekele abafwa abalimo, ne mfwa ne Nshiishi na fyo fyalekele abafwa abalimo.” —UKUSOKOLOLA 20:13.
UMO UBU BULAYO BWALOLA:
ABANTU BESU BONSE BAKABUUKA.
