AMASUKO KU MEPUSHO YA MU BAIBOLO

Ni bani bakaya ku muulu, kabili finshi bakaya mu kucita?

Abantu abengi balafwaisha ukuti bakaye ku muulu nga bafwa. Yesu alandile ukuti abatumwa bakwe aba cishinka bakaya ku muulu. Ilyo ashilafwa, alibalaile ukubapekanishisha icifulo ku muulu, uko bakekala na Wishi.—Belengeni Yohane 14:2.

Mulandu nshi Lesa akabushisha fye abantu bamo ukuya mu kwikala ku muulu? Finshi bakaya mu kucita? Yesu aebele abatumwa bakwe ukuti bakaba bashamfumu abakalateka pano isonde.—Belengeni Luka 22:28-30; Ukusokolola 5:10.

Bushe abantu bonse abasuma balaya ku muulu?

Mu fyalo ifingi, bantu fye abanono ababa imfumu. Apo abo Yesu abuusha ukuya ku muulu na bo bakayaba ishamfumu, kanshi bafwile fye ukuba abanono. (Luka 12:32) Baibolo yalilanda impendwa ya bantu abakalateka pamo na Yesu.—Belengeni Ukusokolola 14:1.

Lesa takapaale fye abakaya ku muulu. Lelo akapaala na bonse aba cishinka pantu akabapeela umweo wa muyayaya mu paradaise pano pene pa calo. (Yohane 3:16) Ilyo Lesa akonaula ababifi pano calo, abantu bamo bakengila mu Paradaise ukwabula ukufwa e lyo bambi bakabuushiwa fye ukufuma ku bafwa.—Belengeni Amalumbo 37:29; Yohane 5:28, 29.

Nga mulefwaya ukwishibilapo na fimbi, belengeni icipandwa 8 muli ici citabo, Bushe Cinshi Baibolo Isambilisha? icalembwa ne Nte sha kwa Yehova

Kuti mwakopolola ici icitabo pa Intaneti pa www.pr418.com

[Icikope pe bula 16]

Yesu alipekanishisha abasambi bakwe bamo ubwikalo ku muulu. Bushe mwalishiba ifyo bakalacita ku muulu?