Amasuko ku Mepusho ya mu Baibolo
Bushe Ubushiku bwa Bupingushi cinshi?
Cinshi twingalandila ukuti ubushiku bwa bupingushi ni nshita iya nsansa?
Lesa ku kale alebomfya abapingushi pa kulubula abantu abo balefwaya ukufyenga. (Abapingushi 2:18) Baibolo ilanda pa Bushiku bwa Bupingushi ukuti ni nshita iya nsansa, iyo Yehova, Kapingula wa bantu bonse akalubula abantu ku lufyengo.—Belengeni Amalumbo 96:12, 13; Esaya 26:9.
Lesa alipeela Yesu umulimo wa kupingula aba mweo na bafwa. (Imilimo 10:42; 17:31) Abantu abengi balifwa ukwabula ukwishiba Lesa. Mu Bushiku bwa Bupingushi, Yesu akabuusha bonse abafwile ukwabula ukwishiba Lesa pa kuti bakasambilile pali ena no kumutemwa.—Belengeni Imilimo 24:15.
Cinshi Ubushiku bwa Bupingushi bukabela imyaka 1,000?
Abafwa bakabuushiwa ilyo imyaka 1,000 ishilapwa. (Ukusokolola 20:4, 12) Bafwile bakeshibe ifyo Lesa aba kabili bafwile ukumumfwila. Baibolo itila abantu bakapingulwa ukulingana ne fyo bakulacita nga babuushiwa, lelo ifi te fyo abantu abengi baishiba.—Abena Roma 6:7.
Baibolo ilalanda na pa Bushiku bwa Bupingushi ubukabako ilyo imyaka 1,000 ishilatendeka. Ubu ubushiku babwita no kuti impela, nga fintu twalandilepo mu fipande ifikalamba ifili muli ino magazini. Pali ubu ubushiku, Lesa akonaula abantu bonse abashamutemwa kabili ababipa. (2 Petro 3:7) Kanshi tulingile ukulacita ifilanga ukuti twalitemwa Lesa.—Belengeni 2 Petro 3:9, 13.
