Bushe Inte sha kwa Yehova ni ba Protestanti?
Iyo. Inte sha kwa Yehova Bena Kristu, lelo te ifwe ba Protestanti. Cinshi twasosela ifi?
Ba Protestanti ni balya ababa mwi “bumba lya mapepo ililwisha ifisambilisho fya ba Katolika.” Nangu ca kutila Inte sha kwa Yehova tabasumina ifyo baKatolika basambilisha, te ba Protestanti pa mulandu wa ifi twalalandapo:
Ifisambilisho fya ba Protestanti ifingi fyalipusana ne fyo Baibolo isambilisha. Ku ca kumwenako, Baibolo isambilisha ukuti “kwaba Lesa umo,” tailanda ukuti muli Lesa umo mwaba abene batatu. (1 Timote 2:5; Yohane 14:28) Kabili isambilisha no kuti Lesa akonaula ababifi, te mu mulilo akabapoosa, lelo akabonaula ku ciyayaya.—Amalumbo 37:9; 2 Abena Tesalonika 1:9.
Tatulwisha icalici lya Katolika kabili tatufwaya ukwalula ifyo ili icalici lisambilisha nelyo ifyo imipepele imbi isambilisha. Lelo tufwaya ukushimikila imbila Nsuma iya Bufumu pa kuti tuleafwa abantu ukucetekela Ubufumu bwa kwa Lesa. (Mateo 24:14; 28:19, 20) Tatufwaya ukwalula ifyo amabumba ya mapepo yasambilisha, lelo tufwaya ukusambilisha icine pali Lesa na pa Cebo cakwe, Baibolo ku bafwaya ukwishiba Lesa.—Abena Kolose 1:9, 10; 2 Timote 2:24, 25.
Nalimo Kuti Mwatemwako ne fi
AMEPUSHO ABANTU BEPUSHA SANA
Bushe Inte sha kwa Yehova Bena Kristu?
Mukwai moneni ifyo twapusanako ne mipepele imbi iya batila Bena Kristu.
AMASUKO KU MEPUSHO YA MU BAIBOLO
Bushe Imipepele Yonse Yaba Fye Cimo Cine? Bushe Yonse Ilalenga Twapalama Kuli Lesa?
Ifintu fibili ifyo Baibolo yalandapo ifyasuka icipusho.
AMASAMBILISHO YA MU BAIBO AYACINDAMA
Bushe Lesa Alitemwa Imipepele Yonse?
Abantu bengi bamona kwati caliba fye bwino ukupepa ukuli konse.
PA NTE SHA KWA YEHOVA
Ukusangwa ku Kulongana
Belengeni pa kulongana kwesu. Fwayeni ukwa kulonganina mupepi no ko mwikala.